當你睇緊心愛嘅排球隊作賽，而前面又有三隻好得意嘅狗狗嘅時候，你會選擇繼續撐愛隊定係玩狗狗？呢個真係人生大抉擇。
話說日本一位屋主每日都要經歷上述難題，事關由佢飼養嘅柴犬三兄弟好痴身，經常都要主人嘅注意。就好似影片入面咁，好鍾意將頭趴喺檯上面，用楚楚可憐嘅目光「電」主人。睇波好定玩狗好，真係「左手又係肉，手背又係肉」。
其實段影片已經係一年前，但近日再度於網上流傳，原因係狗狗實在係好得意，同時屋主到今日，都仲係經歷緊「三柴」每日嘅凝視，十分有愛。
