【復4】黑寡婦覺得其他復仇者講嘢好嘔心?
好想知嗰啲好嘔心嘅message內容係咩！
網上圖片
《復仇者聯盟4 》過多兩日就正式上畫，六位「初代復仇者」合作接近十年，私底下都相當之熟絡。近日「黑寡婦」施嘉莉祖安遜喺宣導活動上接受英國每日郵報訪問，原來一眾初代復仇者嘅演員係有自己的對話群組，但係施嘉莉對於眾人傾偈嘅內容就相當嫌棄。
網上圖片
記者問到施嘉莉同其他復仇者係唔係會有個WhatsApp group，咁佢就話唔係用WhatsApp ，不過就有個傳訊息專用嘅群組。咁問到平日對話內容係咩嘅時候，施嘉莉就直接講明覺得好嘔心，好得人驚，羅拔唐就會成日回覆話：「Sorry, Scarlett.」施嘉莉話如果可以喺群組度搖頭的話，佢一定會咁做。
網上圖片
其實大家都一直好留意初代復仇者之間私下嘅互動，例如「美國隊長」基斯伊雲斯曾經講過佢地復仇者嘅對話內容，根本係完全唔見得人。佢仲經常提到自己好鍾意影迷對「變形俠醫」馬克路法奴嘅改圖。變形俠醫投訴話變形俠醫成喺個Group度提呢件事，覺得佢非常之煩。
網上圖片
