過來人身份回應「安心事件」 裕美：兩個人之間的事一言難盡
裕美透露有傳訊息給黃心穎，並說一切安好。
郭秀雲、裕美和王嘉明出席《4.22世界地球日清潔》活動，裕美表示兒時就讀日本學校，所以習慣會將垃圾帶回家處理。
網上圖片
提到最近爆出「安心偷食」事件，裕美直言有睇過報道，這麼轟動，當日未瞓醒個電話不停響起，初時還以為是否拍戲，亦曾經跟黃心穎合作劇集《堅離地愛堅離地》，亦擔心對方，「如果問我呢件事，每個都會有好大壓力，人哋私人嘢我唔講啦！希望大家可以搞清楚件事。」
網上圖片
曾經被指背夫暗撻黃子恆的裕美，問到她是否過來人也明白要承受好大壓力？裕美說：「我覺得兩個人之間的事一言難盡，外人睇件事係點？自己私下發生幾多嘢？唔需要講出來，毋需將家事同私事擺上枱，所以可能會將事情放到好大，有啲唔真實，自己親身經歷過，我係有一種唔去評論的心態。因為我理解人性渴望愛，我本身來自單親家庭，但媽媽係是傳統的媽媽，心裹面愛到你死，連我愛你都唔講，錫下攬下都唔會。女生很多時候會投放在男友身上，我的男友都會不要當我做爸爸得㗎！第一下聽到有啲㷫，但可能自己唔覺意想尋找完整的家，所以呢個可能令我拍好多次拖的原因。」
網上圖片
問到可會對有婦之夫特別鍾情？裕美說：「佢哋兩人點樣相交唔知，以我經驗周邊的人唔知釐清咗，處理好時候適合先一齊，可能情到濃時有時一啲感覺控制做一啲嘢！」她透露有傳訊息給黃心穎，並說一切安好。
網上圖片
談到有份演出劇集《堅離地愛堅離地》因事件被抽起，裕美直言確實不清楚，她也是過來人，「公開咗明白壓力，有時可能覺得好似再沒有明天，我只能夠鼓勵只是人生一個歷程。」
另外，童星「光頭仔」出身的王嘉明帶同幼子出席，他表示現幫忙打理家族貿易生意，亦會夾band唱歌。育有兩子擁有幸福家庭的他，談到娛樂圈多姿多采，太太可會擔心他？他說：「呢啲又唔好講到咁邪惡！有時啲嘢因應自己的問題，太太好放心。（你不容易受引誘？）呢個就肯定，已婚男士嘛！其他嘢唔好講，自己肯定堅定嘅。」
網上圖片
