觀眾「神之眼」？莉絲湯遜「被失落」高球大滿貫
別睇少觀眾力量，有時候足以影響球賽，甚至扭轉結局。剛完結的今年首項女子高爾夫大滿貫ANA Inspiration錦標賽，出現了這種「奇遇」﹗眼利觀眾令莉絲湯遜（Lexi Thompson）失落冠軍，認真誇張。
是咁的，莉絲湯遜鬥到第四日的第12洞，正以3桿領先，以為冠軍在望之際，裁判忽然同佢講罰4桿。事關有眼利觀眾睇電視，見到莉絲湯遜喺第三日第17洞，擺波擺歪咗1吋，之後再向大會投訴，裁判翻查片段亦接納相關投訴，以擺球失誤同簽署錯誤計分卡的理由，罰莉絲湯遜4桿，變相倒落後1桿。
睇到莉絲眼濕濕（AP圖片）
其後莉絲湯遜計算四日總成績，與南韓球手柳簫然（Ryu So-Ye0n）戰平，二人要鬥至附加洞，最終莉絲湯遜落敗失冠。莉絲於輸波後亦當場眼濕濕。雖然呢位觀眾冇做錯事，但莉絲如此落敗實屬不幸，只能怪觀眾眼睛實實在太厲害。
AP圖片
莉絲湯遜相當有風度，祝賀柳簫然奪冠（AP圖片）
