曾與Nike合作、畫白板貓網上爆紅 中大女生：畫畫係一件好有力量嘅事
關心流浪貓、堅持畫畫，認真生活嘅人最美麗，Kelly加油！
每一幅畫都有它的故事。日前，Facebook出現一則貼文，指香港中文大學中有一名神秘少女，在中大圖書館的白板畫上一隻貓，引來大批網友讚好、分享，但原來這幅「貓」背後有一個自幼愛畫女生的小故事。
網上圖片
面對意外爆紅，Kelly更多的是驚訝，她指：「冇諗過會有人擺上去CUHK Secrets，所以喺網上面見到自己嘅時候，都有啲驚訝」，但這次爆紅卻巧合地完成她另一個「心願」，就是引來更多人關注。其實，Kelly除了享受畫貓過程之外，更希望更多人能關心中大的流浪貓，她說「我自己就非常之鍾意貓，我想大家多啲關心吓中大嘅流浪貓，因為其實中大有好多流浪貓嘅。咁之前就聽過有啲人嫌佢哋太嘈，有啲人會去毒佢哋，攞啲水仙花，擺喺佢哋嗰啲糧食嗰度，所以畫啲貓喺嗰度（圖書館），希望同學多啲關心吓佢哋。」
本網記者攝
這不是Kelly第一次在板上畫畫，未入讀大學之前，她曾經有一班志同道合的好同學，一起完成了許多作品。初時，Kelly與同學想其他同學多些關注藝術，不要只著重成績、體育，所以開始在黑板上畫畫，更選取大家喜歡的題材，像是之前大熱的動漫電影《 你的名字》的經典場面，沒想到被人放上熱門社交平台專頁「名校 Secrets」，之後更接到來自不同品牌的合作邀約。
Illusdreamer提供圖片
Illusdreamer提供圖片
她們曾獲品牌「Bossini」邀請，挑戰於限時內畫完一幅十米長的黑板畫，Kelly指：「嗰陣時我哋聽到之後都嚇親，但係最後都用咗五日就完成咗。我哋四個人同我啲朋友一齊，自己砌咗一幅畫，係有晒唔同宮崎駿動畫嘅角色喺入面」。
Illusdreamer提供圖片
Kelly與朋友也幫品牌「Nike」畫過宣傳片，畫下香港運動員曹星如、楊文蔚的英姿，為當時即將打比賽的曹星如打氣，最後神奇小子亦成功奪冠。
Illusdreamer提供圖片
雖然年少成名，但Kelly與朋友一直互相支持，提醒大家面對讚美不要飄飄然，要緊記自己的初衷，她指：「之前中學嘅時候，我哋接Job，主要都係想喚醒返香港人對於藝術嘅關注，所以我哋都冇話收錢。我哋都係將啲錢捐返去一啲同藝術有關嘅慈善機構。」不過摯友半年前到台灣升學，兩人聚少離多。所以半年間，Kelly再沒於板上畫畫，這次以「流浪貓」為題的作品，也帶Kelly走過摯友不在身邊的困局，得到網民支持。中大校方也因而邀請她再畫一幅，為中大同學「Sem尾」打氣。
Illusdreamer提供圖片
最後，Kelly又重複希望大家多關心流浪貓，如果在街上發現，要懂得聯絡相關機構提供協助。被問到畫畫有什麼開心的事，Kelly說「嗰陣時最開心係見到，好多唔同學校嘅同學都學我哋去畫黑板，然後我就覺得自己畫畫呢件事，係影響到其他人 、同埋關注藝術、同埋同我一齊畫畫。所以，我覺得係一件好有力量嘅事。」。
本網記者攝
