《異形》四十周年 當年劇組竟然用人骨做異形？
其實MCU有意無意之間都借鑑左唔少經典科幻片。大家仲記唔記得《蜘蛛俠:強勢回歸》有一幕係向《異形》致敬？睇完《復仇者聯盟》之後記得重温返《異形》。
網上圖片
今年係《異形》四十周年，所以今日喺度分享下「異形」趣聞。
(一)梅麗史翠普原本係女主角
網上圖片
本來異形喺籌備階段嘅時候導演列尼史葛考慮過揾梅麗史翠普來飾演Ripley，係同薛歌妮韋花最後兩名嘅選擇。好彩最後導演都係起用薛歌妮韋花，否則大家就要睇梅姨打異形打足四集。順帶一提，原來佢地兩個係耶魯大學嘅同學，都算有緣份。
(二)異形差啲變左B級片
網上圖片
因為異形長期揾唔到投資者，當時Dan O'Bannon同監製Walter Hill想將佢拎畀B級片導演去拍，但後來列尼史葛睇過異形劇本覺得好勁，決定要執導異形。因為有一線導演加入，所以成套戲預算大增，唔洗變成怪雞B級特效電影。
(三)尼日利亞學生飾演第一隻異形
網上圖片
喺1979年嘅第一集《異形》，當年唔係樣樣都可以靠CG做到，所以要揾演員着戲服去扮異形，但係就揾極都揾到合適人選。結果，有一晚工作人員去酒吧飲酒嘅時候，見到一個身高超過兩米，體形瘦削嘅尼日利亞學生Bolaji Badejo，於即刻左佢試鏡，最後成功中選做左異形，當年佢試鏡嘅片段都相當震撼。
(四)異形其實用人骨造
網上圖片
異形之父H. R. Giger向來醉心藝術，成年嘅異形服裝其實以人的頭骨、蛇的脊椎及肋骨、汽車零件組成，而且用左超過二千支KY潤滑油去做異形嘅口水。當年嘅美術甚至唔知道有人骨喺異形身上，亦都唔知H. R. Giger點揾人骨返嚟。
網上圖片
如果大家想知多啲話可以揾返紀錄片《異形的誕生》重温下，而早前二十世紀霍士特登揾左六個導拍左六條短片去紀念四十周年，分別係：《ALIEN: Ore》、《ALIEN: Night Shift》、《ALIEN: Specimen》、《ALIEN: Harvest》、《ALIEN: Alone》。大家可以喺IGN嘅YouTube channel 度揾到，而家已經上傳左四條片，去到四月廿六日就將剩低嘅兩部作品放埋上去。
