真人版「獨家試愛」街頭上演 女方哭崩：我哋真係無喇！
「我哋分手啦，我都唔想，但係我哋真係無喇！我個心好痛啊」呢句真係聽到都心痛⋯⋯
「偷食」近期成為城中熱話！網上瘋傳一段影片，一對年輕情侶疑因「偷食」問題，深夜在元朗街頭爭執，期間女方痛哭斬情根，男方則嘗試「箍煲」，不少網民直言情節似足葉念琛電影的現實版，為女方感到心痛。
男方多次環抱女友，更試圖將女友抱起惟不成功。（網上圖片）
有網民近日在連登討論區上傳一段影片，投訴樓下有情侶爭執「嘈到我瞓唔到覺」，從短片可見，一對年輕男女深夜時分在疑似元朗街頭吵架，女方多次質問男友「點解啊？點解你要同人哋同一日去台灣啊？」、「你係香港玩我都算，你依家去到台灣玩啊，你叫我點原諒你啊？」、「我接受唔到」、「你周圍去撩女仔啊！」。
男方多次環抱女友，更試圖將女友抱起惟不成功。（網上圖片）
惟男方未有回答，僅多次環抱女友並阻止女友離開以作「箍煲」，期間更試圖將女友抱起惟不成功。女方多次掙脫後，激動跳腳，哭著說「我哋分手啦，我都唔想，但係我哋真係無喇！我個心好痛啊！」
男方多次環抱女友，更試圖將女友抱起惟不成功。（網上圖片）
影片引起不少網民留言，有人直言情節如同葉念琛電影的現實版，亦有人留言斥責「條仔睇太X多偶像劇，又抱起條女又攬實，依啲招數喺條女火遮眼嘅時候用，條女只會覺得onX，火上加油！」、「條仔真係影衰晒啲男人」，另外有網民稱心痛女方，「我反而心痛個女仔」、「個女仔好慘，隔住個mon都feel到有幾傷」。
（網上圖片）
