【放題必到】熱爆銅鑼灣！ 最平唔使200蚊 仲可以升級任食生蠔海膽帶子
好抵食呀！
在銅鑼灣剛開業的瀛豐放題料理專門店，人氣超強勁，主打日式料理、泰菜及川菜，以震撼銅鑼灣的超值價錢$179起，超過180款的美食任揀，仲有長者優惠及每枱電子化的點餐服務，潮爆喎！
+$98升級任食生蠔、燒海膽帶子及小龍蝦
而家做超級優惠，只需+$98就可升級任食手掌咁大的愛爾蘭生蠔，仲即叫即開，簡直酒店級水準！至於海膽火焰帶子，賣相精美，帶子夠厚身，海膽夠新鮮，食唔停口! 澳洲小龍蝦又炒得香口，加埋任飲1664同Asahi生啤，真係暑氣全消，超抵！
除了放題靈魂多款新鮮刺身，更有多款日泰式小食，更有泰國廚師親自炮製泰式料理、泰式肉碎生菜包及泰國特式飲品等，亦有口水雞、炒牛柳粒等中菜，門口設甜品櫃，及有多款不同口味雪糕，又有好玩自動斟啤酒機，價錢堅抵玩，啱晒大班老友Happy Gathering!
新科技點餐！美食搶先睇！
資料圖片
一坐低想搵menu但又搵唔到？你無睇錯！因為新店玩新科技，用QR Code「Do一Do」，你想搵餐牌，如果有「選擇困難症」的朋友，在店內剔選壽司一定覺得好「煩惱」！事關店內的壽司選擇有過百件，有每日推新款的創作壽司、軍艦、花之戀、手卷及經典壽司列，叫埋刺身、凍盤及熱葷加甜品，食一轉要有胃力至得！
【日式style篇】
資料圖片
創作壽司：暫定每日有3款的創作壽司，日日新鮮，新款不斷。
資料圖片
經典及火炙壽司：如果經典及火炙壽司是你飛佛的話，當然不愁沒選擇。必試的有鵝肝帶子壽司、海膽玻璃蝦火炙壽司、和牛火炙壽司等。
資料圖片
有「仙氣」刺身出場：刺身數目十多款，包括三文魚、油甘魚、珍寶赤蝦、馬刀貝、北海道角螺、象拔蚌片等，仲有乾冰效果做襯托，可以畀埋相機食先。
【泰式及中菜篇】
日式名物出場後，就有川菜及泰式美食做代表，同樣都有「回本位」。店內多款的泰式美食更由泰藉師傅親自出馬炮製，款款都咁特別，大家一定要試！
資料圖片
甘葉香蒜炒墨魚鬂(客)：店主極力推介，墨魚鬂食落口感過癮，香蒜味濃夠可口，食多多都得！
資料圖片
泰式燒元貝(件)：元貝應該無人抗拒，所以甫出場就成為店內的人氣燒物。
資料圖片
和味一口牛(客)：牛迷一定會話一口牛係佢至愛！這裡的和味一口牛，一啖一滋味，都係食唔停口的回本美食。
【甜品篇】
食晒以上咁多樣，又點少得甜品呢？場內的甜品大約有十多款，款款細細份容易食，連法式甜品代表馬卡龍都搵得到，你都咪話唔爽啊！
資料圖片
瀛豐放題料理專門店
地址﹕銅鑼灣駱克道491-499號京都廣場10樓
營業時間﹕
星期一至四 17:00 - 02:00
星期五至日及公眾假期 12:00 - 15:00；17:00 - 02:00
電話﹕2891 6928
