【GOT】龍母蠟像出晒事 愛爾蘭蠟像館認真定搞笑？其實蠟像真係唔易整
整得唔似樣其實都有另類歡樂！
網上圖片
如果唔係有個鐵王座背景，真係唔知呢個蠟像係《權力遊戲》嘅丹妮莉絲（Daenerys）。成個蠟像除左有眼耳口鼻同頭髮之外，冇一個位係同龍母似樣，完全係考驗Fans眼力。（或者遮住個樣就最似。）
網上圖片
其實呢個《權力遊戲》蠟像出自於爾蘭都柏林嘅愛爾蘭國家蠟像館（National Wax Museum Plus），蠟像館喺官方Twtier 上載左兩張嘅預告相，成班用戶都留言表示話唔認得，有人覺得係回收《魔戒》嘅精靈女王再循環再造而成。
網上圖片
不過呢間國家級嘅蠟像館已經唔係第一次整搞笑蠟像，之前嘅《哈利波特》曾為大家帶嚟更多歡樂。
片段為杜莎夫人蠟像館製作天后碧昂絲蠟像的過程。
網上圖片
其實製作蠟像係需要花費大量時間同人力，可能愛爾蘭國家蠟像館係唔夠時間先會整成咁。製作蠟像之前，名人必須要保持住同姿勢幾個鐘，通常留得越耐會製成品就會越似。度身嘅時候，名人全身會黐滿超200個紅點，要每個位置仔細量度過之後先可以令個蠟像更加像真。
網上圖片
度完身之後就要開始製模、上色同埋植髮。首先要拎真人嘅頭髮樣本，再去揾類似髮質嘅真頭髮，之後再用人手逐條頭髮植入蠟像頭部，之後再修剪同梳理。最後，再整埋眼珠同牙，可見整一個蠟像嘅工序其實係相當之繁複！
