【拖糧事件】同Kiwi社交網隔空駁火 杜汶澤發聲明認行政失當
無論誰是誰非，最緊要都係保證大家有錢落袋！
杜汶澤早前被指拖欠程美段（Kiwi）人工，二人在社交網站隔空駁火。阿澤29日發表長文再解釋事件，強調雙方合作期間從來沒有承諾出糧時間，但Kiwi當晚在社交網站上載一段錄音反駁，指杜汶澤的員工阿豪曾口頭承諾一星期出糧。事件爭拗不斷，最終杜汶澤的網台發表聲明，承認行政失當，強調會作出檢討。
事緣是本月27日，阿澤在其社交網站Facebook發文，「程美段小姐，好唔好意思，我哋一時疏忽，入咗錢去你戶口，唔記得通知你，搞到你以為我哋唔出糧。至於你走去同記者講，當然你有權咁做啦！不過我想問，（o靚）仔，你冇我電話咩？」據悉，程美段於今年1月份為杜汶澤的網台節目進行數集的拍攝，惟遭到拖薪，再三追討無果下向傳媒爆料。
Kiwi其後在Facebook回應指正翻查處理所有銀行出入問題，稍後再解釋事件。阿澤則再發文：「我作為公司CEO，責無旁貸！就於呢件事我再一次向程小姐道歉！不過我亦係度提醒其他同業，大家用呢個人記得小心啲，因為就算佢有你電話都好，有乜問題，佢都係同記者講咗先！所以記緊千其唔好得罪佢呀知道嗎？程小姐，以你搏見報嘅能力，我相信你以後都會好成功！到時彈起咗，有乜用得著細佬，即管開聲吩附我！或者至少唔好趕絶我，比啖氣我唞下，已經好感恩。祝你前程錦繡！」
Kiwi隨後發文反擊，並寫下事件的時間表，稱多次向杜汶澤的公司同事豪仔查詢出糧情況，但未有得到回覆。她又強調自己並非利用事件「搏見報」，「藝人同記者嘅關係，杜生應該比我更清楚。如果我等足三個月都未收到錢，仲長期比對方已讀不回，咁都叫搏見報，咁我程美段道歉，係我多口向記者講，抱歉，對唔住。」
至昨日，阿澤再發千字文回應，指早已將薪酬付予程美段，故不明白為何仍有人會不滿。他批評程美段發現問題時，不但未有與自己聯絡，反而將事件向傳媒披露，批評行為如同「篤背脊」，毫無道義，因此提醒其他同業小心程美段，但他強調絕非封殺行為。
對於杜汶澤力撐員工，Kiwi最終在Facebook公開與豪仔的WhatsApp錄音，證明豪仔曾承諾一周後出糧，並強調自己過去一直不想事件再發酵，因此未有公開錄音，「但依家杜先生一口咬定『從來沒有承諾』，我選擇公開錄音，至少還自己一個公道。」她又稱，「由豪仔口頭承諾一星期到最後萬水千山完成Payment三個月，二號人物都忙碌到對我十日內只得一個訊息回覆」。Kiwi又上載與記者的短訊截圖，指曾經向記者提及事件，對方向阿澤了解過後，未有出新聞，直至阿澤在社交網站發文開炮。
最終，阿澤的網台今早在社交網站發表聲明，承認公司行政失當，正式向程美段道歉，並強調會作出檢討，確保日後與藝人合作時有更妥當安排。
