【全部都係雞】食齋怪客買雞皇飯走雞粒 問到店員一頭？？？
SO，究竟雞汁算唔算係齋呢？
資料圖片
有網民分享近日光顧快餐店的經歷，指一名素食大媽要求一客雞皇飯「走雞粒」，之後又問店員雞皇飯汁內會否有雞汁成分，強調「我食齋㗎，唔食得肉㗎」，全程擾攘十幾分鐘。
該名網民在facebook專頁「西客之道 Hispitality Secret」投稿，稱自己是一間快餐店的常客，早前到快餐店排隊購買食物，由於當時餐廳人客十分多，為免阻礙後方顧客，認為「趁排隊嗰時諗好晒食咩同攞定銀包出嚟」是常識吧。
網上圖片
樓主說，當時收銀店員為一名中年女子落單，對方走近櫃位才慢慢看菜單選擇食物，看了一會就問店員：「嗰個咩雞皇桶飯上面嗰啲一粒粒喺咪雞嚟㗎？」，店員回答飯汁內的是雞汁，女子之後答道：「吓？咁呀，唔該一個雞皇桶飯走雞粒呀」。
網上圖片
其後女子想了一會又突然叫停，再問：「你哋嗰雞皇飯啲汁入面有啲咩？啲汁入面有冇落雞汁呀？我食齋㗎，唔食得肉㗎。」店員指食材由總公司直接送貨，故未能確認，女子聞言變得不耐煩，反問：「吓？咁點呀？咁我食咩好呀？我點知入面有冇雞呀？」女子最後抛下一句：「算啦，我唔食啦！」轉身離去。
網上圖片
樓主指，該名女子落單過程擾攘十幾分鐘，令後方顧客都黑面不滿，人人「落單嗰時講急口令咁，驚死趕唔切返工」。樓主又笑稱，因聽到大媽落單時不斷問有關雞的問題，「我心中有一萬隻雞喺度奔騰，即刻冇哂食雞嘅欲望，叫左個蘑菇飯嚟食」。
帖文一出即惹來網民鬧爆，直指女子行為過份，留言「食齋就唔好學人食肯德基，去齋鋪好過啦!」又指「去錯地方」，「食齋唔食肉就咪鬼去啦」。有好心網民則為女子想出「解決方法」，建議她「嚟個白汁雞皇飯走汁走餸」或是「淨飲汽水」。
