【未睇免進】翻睇《復4》必定要留意嘅六大彩蛋！
既然係講彩蛋，就一定係劇透，慎！入！
網上圖片
1.The Blue Meanie
網上圖片
喺《終局之戰》，東尼叫獵布拉做「The Blue Meanie」，其實係源自於1968年嘅動畫《黃色潛水艇》（Yellow Submarine）。呢部動畫係以殿堂級樂隊披頭四嘅一系列名曲做主題，喺動畫入面有班反派叫Blue Meanies，佢地係一種凶惡而且討厭音樂嘅生物。順帶一提，《黃色潛水艇》係披頭四嘅名曲，同時係佢地第十隻嘅大碟都係叫呢個名，有興趣可以聽下。
2.魁隆稻草人
網上圖片
喺《終局之戰》嘅預告片入面，我地都可以見到魁隆已經返左鄉下耕田。不過，Marvel漫畫FANS都會知道其實呢一幕係致敬緊《無限之戰》嘅漫畫原著。
3.「今次我有瞄準個頭喇」
多睇過《無限之戰》嘅朋友都會記得，當時雷神一個斧頭斬埋去魁隆個心口，但最後都係阻止唔到佢彈手指。今次喺《終局之戰》，雷神吸取教訓，直接爆頭，同時呼應埋第三集。
4. 致敬美劇《守望塵世》（The Leftovers）
網上圖片
喺《終局之戰》，美國隊長同其他平民圍埋一齊坐，呢一幕入面有句標語「Where do we go? Now that they're gone?」。其實喺預告都見到呢一幕，當時好多觀眾都覺得呢一場戲其實係致敬緊HBO劇集《守望塵世》（The Leftovers）。
網上圖片
《守望塵世》故事係講緊世界有2%人口無故消失，倖存者之後應該點樣繼續生活嘅故事。兩者設定稍微有少少相似，但《守望塵世》其實唔係一般美劇咁簡單，着重劫嘅心理狀態多過劇情。
5.同穿越時空有關嘅電影
網上圖片
網上圖片
《終局之戰》為左拯救宇宙而穿越時空，一眾復仇者提及好多唔同嘅經典電影作品包括《第五次元》、《妙趣孖寶走天涯》、《追踪100年》、《未來戰士》、《時空特警》、《冰火時光機之回到80後》、《回到未來》系列。
網上圖片
蟻人仲講埋《虎膽龍威》，不過其實唔關事，佢可能記錯另一部亦都係由布斯韋利士主演嘅穿時士嘅電影《12猴子》。
6.「勒寶斯基」（Lebowski）係邊個？
網上圖片
見到有大大個啤酒兼成面鬍鬚嘅雷神，東尼直接就佢做「勒寶斯基大叔」。咁其實係因為雷神嘅造型同高安兄弟執導嘅經典電影《大保齡離奇綁架》（The Big Lebowski）嘅主角幾乎一模一樣，所以東尼先咁樣稱呼雷神。
