【神探比卡超】電影小精靈譯名唔同晒？ 廣東話版配音都要「被統一」譯名
好彩套戲冇背背龍，如果唔係就會聽到「乘龍」呢個名。
《神探Pikachu》開畫以嚟票房大收，喺美國只係僅次於《復仇者4》，票房大收五千八百萬美金（約四億五千萬港幣），喺中國仲成為單日票房冠軍。
網上圖片
不過，自從任天堂統一左中文譯名，由《龍物小精靈》變《精靈寶可夢》之後，好多Fans都相當唔習慣。所以香港版嘅戲名都避開中文名唔用直接叫《Pokemon神探Pikachu》。
網上圖片
咁喺戲入面，即使係廣東話配音都想盡量避開官方中文譯名，直接用英文拼音就算。例如今次嘅主角比卡超就轉叫「Pikachu」，咁如果用廣東話讀「皮卡丘」其實係相當怪。
網上圖片
另外，戲入面現身嘅超夢夢，就叫做「Mew 2」，咁就可以避開叫「超夢」嘅譯名。
但係，電影入面都有相當多小精靈嘅名都避唔開，要直接用廣東話叫返做「被統一」嘅譯名。
網上圖片
吸盤小丑變左做「魔牆人偶」。
網上圖片
鯉魚龍變左「暴鯉龍」。
網上圖片
傻鴨做「可達鴨」。
網上圖片
伊貝變左「伊布」。
其實點解香港澳門地區唔可以有自己嘅譯名呢？
