日網站票選五大動漫最人渣主角 第一位竟然係佢！？
仲有冇其他更人渣嘅心水人選？
網上圖片
最近日本網站Gooranking搞投票，選出史上最人渣嘅動畫主角，而榜首結果相當之出人意表。
（五）松野小松
網上圖片
動畫《小松先生》入面嘅六胞胎大哥松野小松，平日最大嗜好賭馬同打柏青哥。女朋友就係租書店架上面嘅鹹書，姐係永遠淨係會喺人地鋪頭睇鹹書，而唔會租返屋企睇。而且仲經常講鹹濕笑話性騷擾人，成為人渣主角都實屬正常。
（四）野比大雄
網上圖片
每次大雄出事都只係識得多啦A夢幫手，拎完法寶之後又會因為自己嘅私慾搞出個大頭佛。大雄永遠唔會自己諗辦法，只會喊住求多啦A夢，而且又懶又想要成功，從來都諗過要付出。不過，大雄每年總可以喺劇場版入面威返次，落畫之後又會打回原型變廢柴。最人渣嘅地方就係，經常濫法寶裝靜香沖涼，不過多啦A夢絕對係幫凶。
（三）伊藤誠
網上圖片
長期喺唔同嘅ACG界人渣排行榜高據榜首嘅「誠哥」伊藤誠，佢喺動畫《School Days》入面基本所有女角色都畀佢搞勻晒，連師弟都唔放過，最後逼癲埋正宮女朋友桂言葉。呢位誠哥唔單止搞大人地個肚，仲要調返轉指責女方唔小心。最後誠哥當然得到應有嘅下場啦，結局大快人心。
（二）基拉大和
網上圖片
基拉大和喺Gundam Seed Destiny入面搶走飛鳥真嘅男主角地位，憑嘅就係因為佢喺前作Gundam Seed係主角。因為基拉大和亂入，搞到成個Gundam Seed Destiny嘅故事冇晒方向，而且佢性格婆媽，更令唔少觀眾覺得佢偽善。
（一）夜神月
網上圖片
夜神月喺《死亡筆記》入面表面上要以暴易暴，但其實只係想滿足己成神嘅慾望，支配成個世界，操控生死。夜神月為求達到目的，仲要亂咁殺人，犧牲女朋友，利用彌海砂感情，票選佢為第一人渣都算合理。
但係，以終大反派嚟講，設定得咁邪惡咁人渣其實係相當之正確。大家永遠都會記得：「松田，你個腦裝屎架！？」
