巴士車長拒絕等候行得慢孕婦 人夫登車阻離事後仲擺上網公審？
又唔係無車搭，唔使下下都趕嘅，粗身大細，安全第一！
不少人都試過追巴士，但有男乘客發帖表示，自己成功上車後，因懷孕妻子行得慢，「差幾步先到」，遂叫車長多等一會，但被拒絕。車長稱「等喺站等，唔係車等人」，男乘客不滿反罵對方，車長最終等到孕婦上車。不過，男乘客下車前仍拍下司機容貌，並在網上公審對方，斥「一點同情心都無」，結果被網民圍轟刪帖了事。
帖文已被刪除，但有網民截圖繼續討論事件。
該網民在facebook群組「North District 北區」發帖，稱與懷孕老婆日前晚上9時許，在廣華醫院巴士站乘搭九巴270A線。樓主見巴士到站，於是走快幾步，成功上車，「我老婆行得慢，差幾步先到」，但當時司機已經關門，並稱不能等候。樓主解釋老婆懷有身孕，就快趕到，希望車長多等一會，車長回覆「要等喺站等，唔係車等人，我罵佢先好勉強等多幾秒，等到我老婆上車」。
有網民不滿車長不願等懷孕妻子上車，於是拍照公審。資料圖片/ fb群組「North District 北區」
樓主在帖文斥，「未見過有咁差嘅九巴佬，一點同情心都無」，並表示落車時拍下司機容貌，但對方稱「有用咩？有用我就唔會唔理你啦」。
帖文掀起熱議，但大多數網民都批評樓主自私，樓主最終刪帖，但已被網民截圖繼續討論。有人斥：「成架車百九幾人等你兩個半，你兩個等下班唔得嘅」、「個個好似你咁要等埋，車上啲乘客唔洗去目的地喇」、「明知老婆大肚都自己衝上車先，你都幾X好嘢」。另有網民指「司機有權唔等」，並建議樓主與懷孕妻子同行的話，「就預鬆啲時間唔好搞到行程咁趕，一係就搭的士，一係就等下一班」。
