John Wick究竟一共砌低幾多人？ 《英雄本色》發哥三集加埋都未夠佢一半
連Mark哥都唔夠John Wick 殺得多人 ... ...
網上圖片
《殺神John Wick 3》最近上畫，叫好又叫座，John Wick 單憑一支筆，一卷廁紙都可以殺死人。近日外國媒體Cinemablend就統計喺三部曲入面究竟John Wick殺左幾多人。喺港產片拍得住John Wick嘅人就應該得《英雄本色》系列嘅Mark哥，今次睇邊個先係真正殺神。
網上圖片
第一集都算係死得最少人，總共死左91個人。但係第二集就開始真正大開殺戒，John Wick總殺左137個人，頭兩集加埋殺左228個人。
《殺神John Wick 3》
網上圖片
嚟到第三集，John Wick就殺得更加興起，而殺敵方法變得更加多元化，用槍殺死124個人，用刀或者劍殺死嘅就有32個。其他死法包括畀馬踢死，畀狗咬死，畀車撞死仲有畀斧頭劈死，加埋總共有11個。
網上圖片
換之言，John Wick喺三部電影入面加埋殺左387個人，跟住落嚟睇下香港代表嘅Mark哥殺左幾多人。有網友就分別統計左喺三集《英雄本色》入面，Mark殺人嘅數量。
《英雄本色》: Mark哥喺第一集同樣都係殺得比較多人，總共殺左55個。可能中間衰左三年，搞到死少左人。
《英雄本色II》: 雖然戲中嘅阿Ken係 Mark哥嘅「孖生細佬」，不過影迷都永遠會當佢係Mark哥。今次Mark哥用阿Ken嘅身分放開懷抱殺人，一共就殺左98個人。
《英雄本色III夕陽之歌》: 去到第三集，今次Mark就只係殺左4個人，可能係因為換左徐克做導演。今次重心擺左喺梅姐度，佢總共殺左54個人，兩個加埋殺左57個，仲少過第一集。
網上圖片
換言之，喺《英雄本色》系列入面，Mark哥加埋只係殺左157個，同John Wick嘅387個人嘅紀錄仲差一段距離。
