【阿拉丁】茉莉公主人靚聲甜演技好 用正能量擊敗2000個對手贏得角色
有成二千個人爭做公主，可想而知荷李活競爭幾激烈。
網上圖片
迪士尼真人版電影《阿拉丁》喺23/5正式上畫，唔少影迷都驚動畫改編真人電影會摧毁童年，又會擔心韋史密夫做燈神會好奇怪。不過，好彩目前電影評價都唔錯，相信大家都會收貨。
網上圖片
飾演扮茉莉公主嘅娜奧美史葛（Naomi Scott）喺戲中相當搶眼，原來佢喺撼贏二千幾個演員先至得到呢個角色，相當犀利。
網上圖片
「燈神」韋史密夫自然唔洗多介紹，而女主角娜奧美係新生代演員，佢係印度同英國嘅混血兒，唔單止樣靚身材好，而且仲係歌手出身，所以今次喺電影《阿拉丁》入面唱《Speechless》自然令人拍爛手掌。
網上圖片
導演佳烈治曾經表示，喺二千幾個嚟試鏡嘅女演員全部都係樣靚、演技好、唱功了得，但係最後都係揀左娜奧美。係因為熱誠同埋正能量都深深吸引住兩個導演，認為娜奧美係最符合現代公主嘅人選，最後就揀左佢成為主角。
網上圖片
另外，娜奧美喺細個嗰陣已經有累積左唔少唱歌嘅經驗，佢細細個嘅時候就已經喺教會唱合唱團，讀緊書就成日都主演音樂劇同話劇，十五歲就開始作曲。後來佢仲畀英國歌手Kéllé Bryan發掘，帶佢入行。娜奧美喺2014年嘅時候就發行第一隻大碟，之後都有演出劇集同電影。而佢第一次做凷角就係2008年，喺英國迪士尼頻道電視劇《Life Bites》入面飾演Megan，一早就同迪士尼結緣。同埋，佢喺2017年嘅時候，仲有份參演電影《Power Rangers：戰龍覺醒》。
網上圖片
為左做好茉莉公主呢個角色，娜奧美用左唔少心機去操體能，因為茉莉公主唔可以太廋，要有啲線條先可以撐起戲服。所以娜奧美就為左角色而苦練，希望可以令整體效果更加理想。
