【新戲上畫】《友誼永錮》交心好友其實係恐怖蜜友？四大恐怖蜜友嘅失常行為
能成為蜜友大概總帶着……？
網上圖片
由愛爾蘭鬼才導演尼爾佐敦執導嘅《友誼永錮》，今次揾左康城影后伊莎貝雨蓓(Isabelle Huppert) ，同埋美國影壇新力軍嘉兒莫蕊茲(Chloe Grace Moretz)主演。
網上圖片
《友誼永固》講述啱啱搬到紐約嘅嘉兒莫蕊茲，佢喺地鐵執到個手袋，好心跟住址物歸原主，結果識左由雨蓓飾演嘅鋼琴老師Greta。媽媽過生嘅嘉兒同Greta變成莫逆之交，嘉兒發現Greta背後立心不良，決定絕交。但點知Greta死纏爛打，誓要用友誼「永錮」嘉兒。
網上圖片
今次係雨蓓第一次同嘉兒合作，佢對呢位美國後輩大讚有加。當然兩位演員真人都係非常之老友，應該就唔會好似電影入面咁，用唔同嘅招數去箍住對方。咁喺《友誼永錮》入面，雨蓓究竟做左啲咩令嘉兒咁驚青呢？大家又有冇遇過以下情況呢：
1.由朝等到黑，步你收工
網上圖片
你嘅好朋友，粒聲唔出，喺你公司門企定定望實你，由日頭等到夜晚，步到你收工為止，報警都冇用。
2.上温功課，熟習你嘅所有嘢
網上圖片
呢位好朋友係會將你嘅所有Social Media 嘅 AC 都由頭到尾睇一次，Mark底地晒你所有嗜好、生活習慣、家庭狀況，然好再扮同你有好多話題。如果遇到啲咁嘅人記得要小心啲。
3.抄你嘅衣着造型
網上圖片
平時一齊行街買衫，唔小心買到同款搞到撞衫好閒姐。但係，如果你個好朋友由髮型再到衫褲鞋襪都係同你一模一樣的話，咁就有啲得人驚喇。
4.要獨佔你一個！
網上圖片
呢個好朋友一日會Send幾百個訊息畀你，要查清楚晒你所有行程，無論你做咩都會有意見。甚至為左唔畀你識其他人而將你孤立，等你只係可以揾佢一個。喺佢心入面，你只係可以等得佢一個朋友！最得人驚嘅就係，當你遇到呢類人嘅時候，係好難甩到身，只可以希望自己有生之年都唔好遇到呢啲人。
