蕭叔叔靚聲示範教佢講英文 回帶陳偉霆五大話題之作
蕭叔叔配完音之後，的士陳個樣望落去好似順眼左。
陳偉霆近日再度引起網民討論，以前香港人成日笑人係陳偉霆，但其實近年佢就深得中國網民喜愛，更成為巨星，所以連世界知名品牌CHANEL都揾咗佢拍腕錶廣告。
今次CHANEL其實就揾左多個國際巨星拍廣告，包括兩位殿堂級演員嘉露寶潔（Carole Bouquet）、雅麗麥陶（Ali MacGraw）、英國女星姬拉麗莉（Keira Knightley）、國際超模劉雯等等人。陳偉霆可以同呢班世界知名巨星並列，認真巴閉。
網上圖片
網上圖片
陳偉霆喺廣告入面全程講英文，喺片中唔知點解會是不是大笑，塊面仲要係郁唔到，所以就顯得比較詭異。不過有啲觀眾就留言話陳偉霆啲英文太屎，叫佢講返廣東話。其實嘉露寶潔都係講返母語法文，同埋劉雯講英文都係有口音，但就都相當討好。
緊貼大事嘅抽水王蕭叔叔，最近就整左個聲演版去示範正確英文，佢仲連陳偉霆嘅笑聲都配埋，相當細心。
View this post on Instagram徇眾要求，蕭叔叔配音版 ??♂️??♂️??♂️??♂️??♂️ Please tell this uncle to get a life. #無收錢的廣告系列
陪伴多個香港人成長嘅William哥哥又點止一單代表作咁少，喺度就為大家回帶返佢多年以嚟HIT爆全港嘅話題作。
1. 「而我不知道陳偉霆是誰」
一句說話令陳偉霆打響名堂，因為佢當年曾經同Angelababy拍拖，而Angelababy之後就同黃曉明一齊。喺2009年嘅訪問入面，記者就問黃曉明係唔係撬牆腳，佢就答話：「不可能！我沒有這麼大魅力吧？而我不知道陳偉霆是誰。」即時成為網絡金句，喺Google就咁打個「而」字，就會出現「而我不知道陳偉霆是誰」。當然網絡上出現唔少惡搞作品，包括呢首改編《那誰》嘅《而我不知道陳偉霆是誰》。
2.喺中國電視劇展示演技實力
網上圖片
真令陳偉霆晉身成為中國超級巨星係喺2014年嘅中國劇集《古劍奇譚》，佢喺劇中飾演大師兄一角，令佢正式紅遍中國。之後2015年喺另一部中國劇集《活色生香》就有段慘情戲，令陳偉霆有極大發揮機會，喊到反晒眼，更加奠定佢嘅演技派嘅地位。喺2017年中國福布斯就指陳偉霆賺咗一億四千萬港紙，相當勵志。
3.手指舞
網上圖片
眾所周知陳偉霆一向自比舞技拍得住郭富城同米高積遜，喺2017年嘅時候中國軟件抖音開始流行，陳偉霆仲即刻表演手指，舞技令人嘆為觀止，之後仲引埋少爺占惡搞。
4.抽根舞
網上圖片
陳偉霆除左手指識跳舞之外，身體其他部位都可以起舞。有一次佢同女團 f(x)嘅Victoria同場出席品牌活動，佢地即興跳舞表演。不過喺條片度見到，陳偉霆好跳緊第二隻舞咁，同Victoria完全唔夾。但係陳偉霆就跳到好搏命，跳到抽晒根咁，搞到好多人都以為佢有咩病。
5.《阿拉丁》國語版主題曲
網上圖片
《阿拉丁》英文版《A Whole new World》係相當經典嘅名曲，而國語版就揾左陳偉霆及張碧晨合唱。今次就展現左陳偉霆唔單止跳得，歌藝仲好了得。
經典重温：Taxi
當年就係憑住呢首金曲而得到「的士陳」呢個稱號，相當親民。
網上圖片
