5部香港導演嘅主旋律電影 十一黃金週齊齊搲人仔
有興趣嘅朋友留意啦~
網上圖片
事關今年係中華人民共和國建國70周年，咁中央一定會好緊張呢個喜慶節日，香港電影從業員一樣重視呢個普天同慶嘅大日子。
網上圖片
好多中國主旋律電影都完成拍攝工作，有幾部都定好埋上畫日期。除左中國導演拍攝呢類主旋律片之外，香港導演都唔執輸，今年總共有五部由香港人執導嘅作品劍指暑假同十一檔期，誓要賺盡人仔，搶佔愛國市場。
網上圖片
今次就簡介一下呢五部由香港人執導嘅主旋律類型片，除左《緊急救援》之外，其他作品都係改編真人真事。而且，所有電影主題都係正面勵志，致敬中國英雄，務求燃起十三億人嘅愛國心。因為嚟緊會有一系列主旋律片上畫，競爭相當之激烈，未知有冇得好似《戰狼》系列、《紅海行動》、《流浪地球》咁再創票房奇蹟呢？
1.《烈火英雄》
網上圖片
導演：陳國輝
主演：黃曉明、譚卓、杜江
網上圖片
劇情簡介：改編自2010年「大連新港溢油事故」，講述消防隊伍搏命硬闖火場，保護國家人民生命財產。《烈火英雄》將於八月一日喺中國上畫。
2.《中國機長》
網上圖片
導演：劉偉強
主演：張涵予、杜江
網上圖片
劇情簡介：改編自2010年「四川航空8633號班機事故」，講述機長劉長健喺一次由重慶飛拉薩嘅途中遇到意外，軍校畢業嘅劉長健成功帶領所有機組人員及乘客脫險。《中國機長》由中國民用航空局協助拍攝，劇組仲洗左三千萬人民幣做左１：１嘅 A319 空中巴士模型機，而且仲揾左《美國隊長》、《雷神奇俠3》、《星球大戰》系列班底負責特效。《中國機長》將於九月三十日喺中國上畫。
3.《攀登者》
網上圖片
導演：李仁港
主演：吳京、章子怡、張譯
網上圖片
劇情簡介：《攀登者》係為左紀念中國登山隊成功征服珠穆朗瑪峰而拍，電影改編真人真事，喺1960年中國登山隊成員王富洲、藏族成員頁布、屈銀華，三個人完成中國人第一次登頂珠峰。《攀登者》今次由着重美感嘅李仁港導演執導、香港電影大師徐克監製、成龍友情演出，陣容鼎盛。電影號稱係第一部攀山冒險題材嘅中國電影，將於九月三十日喺中國上畫。
4.《李娜》
導演：陳可辛
主演：胡歌、雲遜卡素（Vincent Cassel）
網上圖片
劇情簡介：電影改編自中國女子網球手李娜嘅自傳《獨自上場》，講述李娜由少年、職業生涯再到退休嘅故事。《李娜》喺今年二月已煞科，電影將會由新人主演，聽講李娜本人都會上場客串。《李娜》將於十月喺中國上畫。
5.《緊急救援》
導演：林超賢
主演：彭于晏、辛芷蕾
網上圖片
劇情簡介：《緊急救援》號稱係中國第一部海上救援題材嘅電影，講述「中國交通運輸部海上應急反應特勤隊」嘅隊員于晟克服過去陰影嘅經歷。因為一單巨型貨輪發生火警，特勤隊成員一齊全力救援，為國家為人民付出生命。據聞《緊急救援》喺今個月煞科，暫時未定上映日期，未知林超賢同彭于晏呢個組合可唔可以延續《湄公河行動》嘅成功。
