【自私兼夾惡】大媽阻車門關閉等朋友 被車長叫落車反喝問「你咩態度呀」
你有咩問題？
搭交通工具人人都應遵守禮儀，惟日前有大媽疑衝上巴士，並堵塞車門疑等待同行朋友。車長疑不滿大媽阻礙開車，要求其落車，大媽直斥：「你咩態度呀？」
https://www.facebook.com/groups/1265786430114911/permalink/3102586026434933/
據facebook群組「巴士的事討論區」的片段可見，事發周日下午約3時，當巴士上客時，大媽衝上車，並擋在車門轉頭看望尾隨的友人，擾攘約10秒後，車長直呼：「落返車啦」，大媽聞言回頭反駁「咩事呀？」車長再言「落返車啦，你要等人呀嘛，無講錯呀」。大媽不忿再質問「你講咩話？」，車長重複「落返車囉，咩問題呀？」
大媽不滿車長態度欠佳，稱「咁你可以問一問呀嘛，唔係一句叫我落返車呀嘛」車長則反駁「咩問一問呀，好明顯啦，叫你落返車咪啱囉」。大媽再解釋「我同朋友三個人一齊行過嚟㗎」，車長直斥「你揼低咗你自己友呀，三個一齊行過嚟，你好唔好意思呀。」大媽再回嘴「咩叫好唔好意思呀，你咩態度呀」。
網民紛紛斥責大媽自私，並指車長應該直接開車離開，不應浪費唇舌。有人指「面皮真厚」、「講咗咁耐佢d（啲）朋友都未到，擺明特登搞事拖時間等佢d（啲）朋友嚟上車啦！」不過也有人認為車長沒有問過乘客便直呼「落車」，兩個都無禮貌可言。
