香香復工分享媽咪的快樂：BB好有禮貌識斟茶畀我哋
香香讚老公最叻就係幫BB換片。
岑麗香於今年三月誕下兒子吳主軒（Jacob )，29日正式復工，以醫學美容中心代言人身份出席活動。香香表示已接近回復最佳狀態，只差幾磅，笑言牛仔褲褲頭鈕已可扣上，只是有少許緊。
岑麗香以醫學美容中心代言人身份出席活動。
香香香透露兒子中文名「吳主軒」是由爺爺奶奶改的，意思是主耶穌基督居於心中。香香謂現正餵人奶，當了兩個半月媽媽，才真切感受到媽媽的偉大，更感激自己母親幫手照顧。問到丈夫強強湊仔是否已上手？她笑說：「強強最拿手換片，佢最叻，BB都好有禮貌，成日都斟茶畀我哋。」
香香已回復狀態準備全面復工。
問到是否與強強分工合作湊B？香香說：「係啊！不過我好多嘢做，所以知道媽咪好偉大。媽媽返咗香港，好幸福，感受到好強愛。BB亦好錫我，到醫院止痛針都打唔切已經出咗世。」香香提到分娩當日早上10時作動，下午3時開始陣痛，BB到晚上7時已出世，過程非常順利。
網上圖片
網上圖片
問到如此順利可會盡快多生一個？香香說：「等我搞掂呢個先！（一仔一女？）將來都有呢個計劃，不過未會咁快。」香香透露BB已見過好姊妹李亞男及鍾嘉欣，笑言兒子見得太多靚女，怕長大後眼角高。
網上圖片
問到是否全面復工？香香說：「係啊！今日坐喺度Set頭化妝感覺好開心，啲感覺返晒嚟。（會接拍劇？）所有工作都可以。（今日出門會否不捨得BB？）有啊！臨出門口望多一眼，再聞吓佢啲BB味。」
