【復4】雷神大爆原本劇情到中段已經變返瘦 仲話自己好鍾意肥佬？
基斯咸士禾夫應該一世都冇咩機會做到肥佬，所以特別把握變肥嘅機會。
- 網上圖片
相信每個人都睇左《復仇者聯盟4 》，不過大家仍然會好留意每個復仇者後續嘅訪聞。早前雷神基斯咸士禾夫接受外國網站《Variety》訪問，佢提到原本劇本係到中段就已經瘦身成功，再現腹肌，即係話最後決鬥嘅時候雷神已經唔再係肥佬。
- 網上圖片
但係，雷神就要求全部戲都要保持肥佬造型。雷神每日都用超過三個鐘化肥佬妝，肥佬衫仲有成四十公斤咁重。咁點解辛苦雷神都要係要咁做？係因為愛？定因為收成億片酬覺得淨係做一半唔好意思？
- 網上圖片
原來真係因為愛，雷神訪問中表示，佢好享受演出肥佬版雷神，感覺同佢之前飾演嘅雷神係好唔同。不過基斯咸士禾夫都好強調演肥版雷神好麻煩，佢話其他演成日都昅實佢個肚腩，當正佢係大肚婆。仲有人當正佢係聖誕老人，個個爭住坐佢大脾。佢喺片場覺得自己係個老人家，而隔離就有一大班孫仔圍住自己。
- 網上圖片
不過，做人始終都係要向前望，基斯咸士禾夫最近喺IG宣傳佢嘅最新作《《黑超特警組：反轉世界》。
