《哥斯拉II王者巨獸》17隻泰坦巨獸 哥斯拉有排打
反而幾好奇King Kong可以點同哥斯拉隻揪。
網上圖片
今次《哥斯拉II：王者巨獸》係怪獸宇宙第三部曲，今次就完全擴展怪獸宇宙（MonsterVerse）。喺預告就透露左政府秘密組織「君主計劃」，原來喺全球各地收埋左十七隻泰坦巨獸。
四大泰坦巨獸
1.哥斯拉
網上圖片
哥斯拉就一定係主角，佢專吸收核輻射當食物，可以噴出「原子吐息」攻擊敵人。咁喺預告同海報度都可以見到哥斯拉嘅必殺技。而今次仲要遇到強敵基多拉，仲會令哥斯拉進化。進化到咩地步就要入戲院睇先得。
2.「零號怪獸」三頭龍基多拉
網上圖片
今次嘅另一個焦點就係基多拉，君主計劃就叫佢做「零號怪獸」，佢一路都畀人冰封左喺南極，係哥斯拉系列入面最出名嘅怪獸。基多拉有三個頭、兩條尾、背脊有巨大嘅翼，全身仲有金色鱗甲覆蓋住，而且仲可以發射閃電光束，同哥斯拉連場惡鬥。
3.「怪獸女王」摩斯拉
網上圖片
摩斯拉被稱為「怪獸女王」，今次摩斯拉就有別於東寶版本毛鬙鬙嘅外型，對翼嘅花紋都再設計過。今次就見到摩斯拉對翼就用左哥斯拉嘅眼神，凸顯佢同哥斯拉嘅關係。摩斯拉係人類嘅守護神，所以以前同哥斯拉對決過，亦都係第一隻擊敗哥斯拉嘅怪獸。喺今集電影，摩斯拉可以喺心口外殼發出β波，再將光波投射到對翼到，再轉變成會致盲嘅光波。
4.「火之生靈」拉頓
網上圖片
而拉頓就係參考左史前生物「無齒翼龍」而設計，佢喺多波多黎各莫納島畀人發現，又稱為「火之生靈」。平時喺火山生活，飛緊嘅時候仲可以產生強勁衝力同暴風，又識噴溶岩，咁因為拉頓識得飛，所以摩斯拉會幫哥斯拉一齊打佢。
以上四大巨獸當現就會係今集電影嘅重點，而其他巨獸都只係會喺今集過下鏡，仲有啲就「君主計劃」研究員略略提下。咁我地就咁睇個名去預先感受下嗰剩返嘅巨獸將會點樣。
網上圖片
所有會喺之後怪獸宇宙出現嘅巨獸
所有會喺之後怪獸宇宙出現嘅巨獸
5.King Kong
網上圖片
下集哥斯拉嘅重點對手，唔知呢個版本嘅King Kong 會有啲咩能力，如果跟返原版King King設定都應該冇咩可能夠哥斯拉打。
6. Abbadon
網上圖片
Abbadon出自聖經《啟示錄》，喺希伯來語來語嘅意思即係毀滅之地，每到之處必然毀滅一切。
7. Sargon
網上圖片
Sargon係出自人類史上第一個帝國亞卡地帝國開開國皇帝，當時征服左成個美索不達米亞。今集就受基多拉召喚出現左。
8.Leviathan
網上圖片
Leviathan出自於《希伯來聖經》（也是舊約聖經的教義來源）的一種怪物，外貌接近巨型的鱷魚或海蛇，是海中怪物的霸主，能引起巨大的海嘯和漩渦。
9. Methuselah
網上圖片
Methuselah源自《希伯來聖經》，係亞當第七代傳人，亦都係史上最長命嘅人類，總共有969歲。佢個名喺希伯來嘅意思即係「拎住矛嘅男人」同「他死後將帶嚟」。佢死左之後七日，全世界就發生大洪水，即係挪亞方舟嗰個。今集都有受感感召而現身。
10.Stegosaur Titan
網上圖片
Stegosaur Titan係源自絕左種嘅恐龍，係草食性品重，背脊就有好似劍一樣嘅尾刺，而「Titan」嘅意思即係代表代表住一隻巨大無比嘅劍龍巨獸。
11. Baphomet
網上圖片
Baphomet源自基督教嘅惡魔，咁喺某啲恐怖片中會出現嘅羊頭魔鬼。
12.Mammoth
網上圖片
Mammoth即係源自長毛象嘅名Mammoth。
13. Scylla
網上圖片
Scylla係源自於希臘神話入面專食水手嘅女海怪，有六個頭同十二隻腳，有好似鯊魚咁嘅三排牙，而且仲有一條貓尾。
14. Nessie
網上圖片
Nessie就即係大家都好熟悉嘅尼斯湖水怪，係一隻生活喺蘇格蘭尼斯湖嘅傳說生物，條頸好蛇咁長。成日都有人話見到尼斯湖水怪，但當然都係得個講字。
15. Typhoon
網上圖片
"Typhoon" 呢個字其實係出自希臘神話「泰風」，佢係一個非常邪惡嘅巨人，經常都會刮起巨風吹襲喺海上面嘅船隻。
16.Bunyip
網上圖片
Bunyip係源於澳洲嘅傳說，係一種已經絕種嘅神秘生物，外表就好似狗、有馬嘅尾、海象嘅長牙、同埋有魚鰭，出沒喺沼澤同河流地生區，有兩棲類動物特性。
17.穆透 New Muto
網上圖片
穆透 Muto，係Massive Unidentified Terrestrial Organism嘅簡寫，源自於上集《哥斯拉》 嘅角色，設定為哥斯拉宿敵，以哥斯拉體內嘅原子爐為營養，即係會喺哥斯拉體內孵化，仲會分成雌雄兩個品種。今集穆透就受基多拉「召喚」而出現，外型類似上集嘅雌雄穆透。
