艾頓莊傳記電影《搖滾太空人》 皇家特工盡得真傳
皇家特工今次唔揸槍彈鋼琴，表現令艾頓莊本人相當滿意。
艾頓莊（Elton John）嘅自傳電影《搖滾太空人》將會喺今個月中上畫，由《波希米亞狂想曲：搖滾傳說》導演Dexter Fletcher執導，今次由《皇家特工》系列泰朗伊加頓（Taron Egerton）主演，就連艾頓莊本人都讚不絕口，仲話只有泰朗先可以扮到佢。
網上圖片
《搖滾太空人》嘅故事係由1960年，艾頓莊嘅童年開始，一路到90年佢入左戒毒中心。艾頓莊仲揾左《跳出我天地》嘅編劇Lee Hall寫今次《搖滾太空人》嘅劇本，佢仲放手任編劇發揮，連佢自己嘅金曲都唔需要按時序出現，只須要跟返電影嘅節奏就得。艾頓莊仲講到明唔需要迴避自己毒癮同成長經歷，只要觀眾覺得好睇就得。但係佢有一點就好堅持，就係電影必須要係音樂劇，因為音樂就係佢嘅生命。
網上圖片
因為艾頓莊嘅要求相當高，所以揾演員都相當之困難，今次《搖滾太空人》係有別於其他音樂傳記片用幕後代唱，扮佢嘅演員一定要演得又唱得。泰朗伊加頓就係最佳人選。之前佢地兩個仲一齊同台合唱，展現唱功。
網上圖片
據聞泰朗伊加頓一直都好崇拜艾頓莊，當年佢就係憑住演唱艾頓莊名曲〈Your Song〉，先至過到英國皇家戲劇藝術學院嘅面試。雖然泰朗有唱歌底子，但佢為左演好角色，都要用五個月時練歌同鋼琴。辛苦得返嚟嘅成果唔單止係可以重演艾頓莊嘅名曲，佢仲可以到倫敦最出名嘅Abbey Road Studios錄音，唔少史上殿堂級樂手同樂隊都曾經喺度錄音，包括披頭四。
網上圖片
泰朗仲專登去訪問艾頓莊，希望可以更了解到佢本人，雖然佢地曾經喺《皇家特工：金圈子》入面合作過，但為左今次電影，佢地仲為建立真次嘅友情。艾頓莊特登請泰朗食飯，畀佢睇仲來未公開過嘅回憶錄，務求要泰朗完全了解自己，方便演繹。
