《撞死一隻羊》成香港首部正式公映西藏電影 三部王家衛監製嘅作品

 

《撞死一隻羊》香港將於7月26日正式上畫。

 

咁其實王家衛唔止淨係識做導演，佢監製左唔少相當具娛樂性嘅商業片，今日會介紹其中三部比較特別嘅作品。

1.《射鵰英雄傳之東成西就》1993年

 

《射鵰英雄傳之東成西就》係改編金庸嘅《射鵰英雄傳》，同時亦都係王家衛作品《東邪西毒》嘅姊妹作，由佢嘅沙煲兄弟劉鎮偉執導。當年因為《東邪西毒》嚴重超支，所以由劉鎮偉臨時用27日時間臨時趕起呢部，喺當年賀歲檔期上畫，希望老闆可以唔蝕得咁勁。


劉鎮偉後來喺其他訪問到提過，話梁朝偉拍嗰陣日頭拍悲劇，夜晚就拍喜劇，搞到分唔到自己係邊個。劉鎮偉為左鼓勵佢，仲話周星馳拍鹿鼎記嗰陣都係抄佢喺TVB版本嘅演出。結果梁朝偉聽完之後當堂信心返晒嚟，兩部電影都一樣演得咁出色。`

2.《初纏戀後的二人世界》1997年

 

王家衛其實仲好鍾意提拔新人，呢部《初纏戀後的二人世界》係由當年嘅電影新丁葛文輝執導，仲有當年仲係讀緊大學嘅MK活地亞倫做編劇，由金城武同莫文蔚做主角。《初纏戀後的二人世界》分成兩段故事「初纏」同「戀後」，基本上就係致敬王家衛作品嘅電影，呢部電影其實就冇咩劇情，算係葛文輝嘅實驗電影。

 

「初纏」故事係關於一個夢遊少女，佢每晚都會遊去唔同地方。有一日佢突裝喺個頭度裝左部CAM。於是佢喺日頭嗰陣就睇返佢夜晚同金城武喺夜晚嘅經歷，結果大家都鍾意對方，但未知可唔可以喺埋一齊。而第二段「戀後」，就係關於葛文輝一直避開佢嘅初戀情人莫文蔚，結果有一日佢都係畀人發現到。

3.《擺渡人》2016年




《擺渡人》係由中國暢銷作家張嘉佳嘅處女作，由梁朝偉、金城武、Angelababy、陳奕迅、張榕容主演。電影改編自張嘉佳小說《從你的全世界路》嘅其中一個短編作品，《擺渡人》故事講述陳末係一個「金牌擺渡人」，姐係專門幫人渡過感情難關，類似心理醫生。喺電影入面，陳末主要幫左兩對情侶渡過難關，最後幫埋自己渡過感情難關。不過，《擺渡人》上畫嘅時候劣評如潮，有人覺得係導演張嘉佳嘅問題，但劇組流出消息指出，現場指導揮嘅人其實王家衛。