湊小朋友有經驗就唔辛苦 郭晶晶：3個已經好熱鬧
最緊要孩子都能健康快樂成長~
港協暨澳委會會長霍震霆、冠軍運動員郭晶晶、李小鵬、胡兆康、藝人唐麗球、Amanda S.、李日朗等出席《東華三院．香港保齡球總會慈善保齡球大賽》。
郭晶晶自去年1月誕下三女Laurina後首現身。她透露距離瘦身目標還差數磅，產後沒有特別瘦身，只是餵母乳自然瘦下來。她表示懷孕期間跟生產三女時都不辛苦，現在湊3個小朋友亦相當自如，因已經有一定經驗，並謂3女都是計劃之內。問是否「封肚」了？她說：「應該夠喇，3個都幾好，屋企好多聲音，好熱鬧。」
郭晶晶（網上圖片）
霍震霆（網上圖片）
郭晶晶透露哥哥霍中曦很錫兩個妹妹，「哥哥想幫手湊，但係唔識湊，會叫佢輕力一啲。（湊3個會辛苦？）唔會，哥哥已經大個，識自己照顧自己。（丈夫霍啟剛錫晒兩個囡囡？）唔會，佢個個都錫。」明日父親節，郭晶晶謂會跟老爺霍震霆及丈夫食飯慶祝，小朋友已準備了畫作做禮物。問到老爺是否很開心？她說：「係啊！佢一有時間就過嚟同啲孫玩。」
郭晶晶生完第3胎後首現身，與老爺霍震霆出席慈善活動。（網上圖片）
李日朗透露曾參加保齡球公開比賽，技術不俗，但現在已大不如前，因患上痛風，早前嚴重得連保齡球也拿不起。他謂因病要每天吃藥，身邊朋友亦踴躍提供偏方。女友是否陪伴身邊？他笑說：「痛時無女朋友。自己幾唔舒服都好，都會叫佢唔好理我，去做自己嘢。」
李小鵬、郭晶晶（網上圖片）
李日朗（網上圖片）
