《特警新人類》20周年 女主角王淑美身材顏值不減當年
嚟緊《特警新人類》會開第三集，一班主角由當年嘅MK仔，變成而家嘅MK佬。
網上圖片
《特警新人類》上畫二十周年，當年除左有蟻俠驚喜演出之外，仲雲集當年人氣最高嘅新世代演員，包括謝霆鋒、馮德倫、李燦森及吳彥祖，而家四位都喺係影壇獨當一面嘅前輩，相比之下，似乎戲中女演員事業稍有失色。其實 《特警新人類》嘅女主角王淑美當年拍左兩部港產片之後就轉換跑道，去左荷李活發展，而家結婚生仔，生活美滿。
網上圖片
三十九歲嘅王淑美喺澳洲出世，以前做過平面模特兒，之後經成龍搭路成為寰亞旗下藝人，99年拍左第一部作品《特警新人類》，喺戲中同吳彥祖、馮德倫發生三角戀。之後王淑美再拍多部麥兆輝導演嘅《周末狂熱》就去左美國發展，不過佢喺荷李活星運平平，喺《珍珠港》（Pearl Harbor）演過閒角，同喺《Las Vegas》、《Entourage》等劇集有演出。
網上圖片
直到2004年，王淑美決定移居星加坡，主演唔少電視劇同電視電影。佢喺2009年仲同澳洲工程師Matthew Heath結婚，兩個生左一仔一女。
網上圖片
《特警新人類》上畫到而家已經有二十年，但係王淑美依然都係身材火辣，咁多年都KEEP弗爆身段。王淑美仲經常上載做運動嘅相，睇落好似靚過當年喺《特警新人類》嘅佢。早前謝霆鋒喺其他媒體訪問度證實將會開拍第三集《特警新人類》，希望到時可以喺大銀幕見返王淑美。
網上圖
