中國電影連海報都係抄襲？ 荷李活電影同日本漫畫都唔放過
抄都唔係話咩大問題，但而家係一模一樣。咁樣唔係叫抄，係Copy & Paste。
網上圖片
1.《中國隊長》
網上圖片
《中國隊長》故事基本就直接抄《美國隊長》，電影海報就係抄襲斯洛伐克插畫家Rado Javor嘅作品，其實就只係少左隻中國隊長。
2.《女媧日記》
網上圖片
中國電影《女媧日記》係關於女媧穿越現代嘅故事。電影海報同《變種特攻：未來同盟戰》非常相似。
3.《老男人歷險記之喘不上氣》
網上圖片
中國電影《老男人歷險記之喘不上氣》故事係關於中年危機，電影海報就同《選戰風雲》差唔多，抄足人地用雜誌分開兩個主角。
4.《深山行》
網上圖片
中國電影《深山行》嘅故事係照抄《屍殺列車》，連個海報都係一模一樣。
5.《我不是藥神》
網上圖片
網上圖片
喺中國叫好叫座嘅《我不是藥神》仲連抄兩部日本漫畫嘅海報，包括《海賊王》同《我的英雄學院》。所有人物嘅企位同姿勢都係一樣樣，好有創意，唔怪得《我不是藥神》可以喺中國有咁高票房。
6.《唐琅探案》
網上圖片
《唐琅探案》係中國偵探劇，跟足由羅拔唐尼同祖廸羅主演嘅《神探福爾摩斯》海報。
7.《驚天動地》
網上圖片
中國電影《驚天動地》講述英勇嘅解放軍喺汶川大地震救災嘅故事，但係海報就照抄奇連伊士活主演嘅《戰火旗蹟》。
8.《午夜心跳》
網上圖片
由任達華、吳鎮宇主演嘅中國電影《午夜心跳》嘅海報就照抄泰國鬼片《鬼亂5》，以為抄泰國戲就冇人知。
9.《決戰剎馬鎮》
網上圖片
呢部中國電影《決戰剎馬鎮》就連小朋友都唔放過，抄襲呢部經典兒童讀物《Diary of a Wimpy Kid》改編嘅真人電影。
10.《異度公寓》
網上圖片
中國偽鬼片《異度公寓》就直接抄韓國電影《姊魅情深》嘅海報。因為中國嚴禁鬼片，通常最後都係因為精神失常，見到幻覺以為自己撞鬼而收尾。
11.《催眠大師》
網上圖片
喺中國叫好叫座嘅《催眠大師》，張海係同基斯杜化路蘭導演嘅《死亡魔法》非常似。
12.《何以笙簫默》
網上圖片
由中國明星黃曉明同楊冪主演嘅愛情電影《何以笙簫默》嘅海報都係抄返嚟，同美國青春片《生命中的美好缺憾》一模一樣，又係瞓草地。
