【記得做功課】Kay大爆張繼聰當年溝女秘笈 「第一印象以為佢係gay」
機會總係留俾有準備嘅人~
張繼聰同謝安琪(Kay)結婚12年仍非常恩愛，經常放閃。Kay日前於森美和火火的節目《公子會》就分享同張繼聰戀愛事，不但揭露張繼聰追女仔絕招，而Kay當年對張繼聰第一印象，係以為對方是同性戀。
情侶裝出席宴會。
Kay在節目中回想多年前，兩人同為新人，出席一個頒獎禮前食Tea，講到任何話題，張繼聰總係回應「我都好鍾意。」令Kay覺得「好夾」，大家有共同話題。不過，她最初只覺得對方幾好傾，未有感覺之餘仲覺得阿聰「幾多口」。「其實我有懷疑佢係gay嘅，因為我真係覺得第一次同佢傾偈，佢全部都話『係啊，我又係啊！我都係喎！』我一開始係誤會咗嘅。」
張繼聰同謝安琪結婚多年仍不時放閃。
張繼聰今年情人節在尖沙嘴海傍對住阿Kay《每天愛你多一些》。
當年「好夾」嘅感覺，原來係阿聰嘅悉心安排。兩人婚後，張繼聰才自爆，約會前事前先做定功課。
兩人育有一對子女。
Kay透露，初時視對方為「閨蜜」，覺得他行路「有啲beat」﹑帶點「姿整」，直言可能因為練到大大隻，但說話又有點cute，反差大而令她有所誤會。
大仔張瞻。
兩人不時在社交網分享一對仔女生活點滴。
