《詭娃安娜貝爾：回家》五大幕後冷知識
其實本身隻公仔咁樣衰，點解仲要拎返屋企？
網上圖片
《詭娃安娜貝爾：回家》就嚟上畫，今次係《詭娃》系列嘅第三部曲，今次就由《小丑回魂》同《詭修女》嘅編劇Gary Dauberman執導，當然温子仁都會繼續做監製，今次就會介紹下電影嘅幕後花絮同埋有趣小知識。
1.喺《詭屋驚凶實錄》系列入面，得《詭屋驚凶實錄》同埋第二集先係根據華倫夫婦嘅真實個案改編，之後嘅《詭娃安娜貝爾》系列同《詭修女》都係虛構故事。
網上圖片
2.詭娃安娜貝爾嘅靈感係温子仁根據華倫夫婦嘅收藏品而創作，喺第一集《詭屋驚凶實錄》詭娃就喺電影開場亮相，雖然只係「客串」性質，但都大受歡迎。
網上圖片
3.華倫夫婦嘅博物館入面有好多被附身嘅物品同埋神秘宗教儀式嘅器具，喺今次《詭娃安娜貝爾：回家》入面，某啲收藏品道具係參考返真實物品。
網上圖片
4.扮演十歲茱蒂華倫嘅小演員麥根娜姬絲係個恐怖片FANS，成日都同爸爸一齊睇恐怖片。而喺現實中，茱蒂華倫喺1946年出世，根據喺電影嘅時代佢應該已經廿幾歲。
5.《詭屋驚凶實錄》系列嘅配樂Joseph Bishara，經常都客串飾演邪靈。
網上圖片
《詭娃安娜貝爾：回家》七月四日將會喺香港上畫。
