《怪奇物語 3》即將首播 煲劇嗰陣要留意嘅三大方向
今季一樣咁精彩！
《怪奇物語 3》即將喺Netflix上架，入面嘅小朋友都踏入青春期，今季會有感情線。早排飾演 Max 嘅 Sadie Sink 喺東京出席 《怪奇物語》夏祭活動就話好滿意今次新加嘅感情線，今次就同大家一齊睇下第三季嘅《怪奇物語 3》要留意啲咩。
網上圖片
1.新增二人少女組
網上圖片
四人幫兄弟班仍然係《怪奇物語》嘅核心，但今季嘅其中一個焦點就喺 Max和 Eleven 呢對姊妹團，Sadie喺第二季先加入劇組，佢喺日本受訪就表示一開始有唔少人反對。不過今季Max呢個角色會變得非常重要，因為佢會成為Eleven嘅摰友。兩個人會一齊行街、扮靚、大講少女心事。而喺現實中，佢地都因為拍攝《怪奇物語》而成為好朋友，無論戲裡戲外都一樣咁熟。
2.時間設轉變
網上圖片
《怪奇物語》一開始就係專為秋天打造嘅劇集，第二季用盡埋秋天設定，將時間背景定喺萬聖節前後。今季就改成夏天背景，冇左前兩季灰灰舊舊，陰鬱嘅感覺。反而仲會加入鮮艷嘅顏色，畀人一種好有活力嘅感覺。
3.劇組傾力打造 The Starcourt Mall
網上圖片
喺《怪奇物語 3》嘅預告都會見到喺小鎮入面嘅第一個商場The Starcourt Mall，絕對係今季嘅核心場景同埋劇情發展關鍵。由艾美奬美術指導 Chris Trujillo 監督打造場景，因為The Starcourt Mall規模太大，冇可能搭景完成，所以決定用實景，揾真商場去大改造。
網上圖片
劇組早喺二零一七年就開始勘景，最後決定喺佐治亞州，嘅八十年代起好嘅荒廢商場。劇組將成間商場重新大執，所有鋪面同設計都重新再搞過晒，相當考究。甚至仲會為商場專門打造一切道具，就連一個垃圾桶都唔放過。喺The Starcourt Mal入面見到嘅The Gap、JCPenney、Wicks ‘N’ Sticks、Hot Dog on a Stick、RadioShack都係八十年代喺美國常見嘅鋪頭。
《怪奇物語》將會喺七月四日喺Netflix上架。
