• Fooday

四大寶礦力冷知識 原本同汗水一樣味？

2019年07月12日 02:26 pm

Leng Zai @ UPower

寶礦力小知識分享。

原來寶礦力推出近四十年，呢款大家都由細飲到大嘅電解飲品除左廣告拍得好之外，其實仲四件好少人知嘅事。

1.本來味道係同汗水一樣鹹鹹苦苦

最初研發寶礦力嘅時候，係想推出一款容易被人體吸收，補充流失水份嘅飲品。團隊一開始嘅方向就要還原人類汗水嘅成份，所以一開頭寶礦力同汗係一樣味，又鹹又苦。

後來，團隊就研發左柑橘粉末，於是團隊就將寶礦力同柑橘粉溝埋一齊，所以最後出嚟嘅味道就好似而家咁少少甜少少酸。

2. 連醫生讚好

雖然平時見到廣告都係強調寶礦力係運動飲品，但其實寶礦力都好啱病人飲。例如當感冒發燒嘅時候，日本嘅醫生會建議飲寶礦力，因為發燒會流汗散熱，呢個時飲返寶礦力，就可以補充流失水份同電解質。

3.因為食物中毒而產生得到開發靈感

原來當初研發團隊出國公幹嘅時候，因為食物中毒而求診，當時醫生就要佢地攝取水分同埋電解質，但係喺當地又揾唔到適合嘅飲品。最後好彩死唔去嘅成員返到日本之後就決定要研發一隻類似嘅飲品。題外話，如果不幸腸胃炎的話，大家到公立醫求醫嘅時候，醫生有時都會處方寶礦力沖劑。

4.「POCARI SWEAT」其實係擬聲字

「寶礦力水特」係取自官方英文名「POCARI SWEAT！」嘅諧音。其實「POCARI」呢個字冇特別意思，團隊係想表現扭開樽蓋嘅聲。為左畀大眾容易啲理解產品特性，所以加埋「SWEAT（汗水）」，嚟表達成份接近汗水，可以迅補充電解質。

喺寶礦力推出冇耐，有人發現「POCARI」同尼泊爾話嘅「湖」一樣發音，成為一時熱話。