大個睇多次先知 八大《獅子王》幕後小知識
最近「獅子」成為左一個動詞。
嚟緊迪士尼會再推出真人電影《獅子王》，今次就分享下一九九四年版《獅子王》動畫嘅幕後趣聞。
網上圖片
1.《獅子王》當年被睇低一線
網上圖片
當年迪士尼主力製作喺下年（一九九五）上畫嘅《風中奇緣》，但為大保持產量所以就決定製作《獅子王》填空檔。當年迪士尼期《風中奇緣》嘅期望高好多，不過後來係《獅子王》更加成功。
2.《Can You Feel The Love Tonight》曾經離奇被刪
《獅子王》由樂壇大姑媽艾頓莊創作主題曲，不過喺正式上畫之前，大姑媽喺一場特別放映會發現《Can You Feel The Love Tonight》無故被刪。之後大姑媽惟有揾時任迪士尼主席講數，呢首歌終於可以喺電影重現。最後就係大姑媽憑藉《Can You Feel The Love Tonight》贏左奧斯卡最佳原創歌曲》。今次嘅真人版將會樂壇Beyonce同埋當奴高法合唱呢經典名曲。
3.經典場面耗時三年製作
喺《獅子王》入面，最經典嘅場面就一定係「牛羚踐踏」一幕，迪士尼用左足足三年時間先至完成，因為製作團隊一定要重寫一個新嘅電腦程式，目的係唔想畀啲牛羚狂奔嘅時候，各自唔會重疊埋一齊。今次新版嘅《獅子王》相信會用更強大嘅科技去呈現呢一幕。
4.原本刀疤同木法沙冇血緣關係
網上圖片
喺早期嘅劇本入面，原本刀疤同木法沙係唔係兄弟，不過後來編編覺得設定成兩兄弟會有趣啲。所以呢個都係點解木法沙同刀疤會完全唔同樣，因為開頭係冇預過佢地係兩兄弟。
5.唔同角名源自斯瓦希里語
網上圖片
《獅子王》入面唔少角色嘅名係源自斯瓦希里語，亦都係非洲最流行嘅語言。例如：辛巴，意思為「獅子」、娜娜，意思為「禮物」、沙拉碧，意思為「幻景」，拉飛奇，意思為「朋友」、彭彭，意思為「傻仔」，桑琪，意思為「野蠻」。
6. 電影開場插曲《Circle of Life》嘅歌詞意思係咩？
//獅子來了，父親
喔！是的，它是獅子
獅子來了，父親
喔！是的，它是獅子
我們即將征服的獅子
獅子、獅子，還有豹
他們都來到這個空曠的大地//
7.配樂大師Hans Zimmer原本唔想做
網上圖片
當今荷李活電影配樂大師漢斯默（Hans Zimmer）當曾經唔太想做《獅子王》嘅音樂，因為唔太熟悉呢種合家歡嘅動畫電影。不過後來經了解多左，令漢斯默諗起自己同屋企人之間嘅關係，後佢仲表示《獅子王》係佢事業生涯最好嘅經驗。今次大師亦都會繼續為新版《獅子王》做配樂，相信可以重現經典。
8.《獅子王》劇本參考莎士比亞
網上圖片
其實《獅子王》嘅劇本結構係直接抄莎士比亞嘅四大悲劇《哈姆雷特》，故事講殺王叔弑君奪位，王子哈姆雷特為父仇而怒殺王叔。原本《獅子王》嘅劇本冇打算畀木法沙死左之後再次出場，但監製就認為辛巴一定要有動力返到榮耀之石決心復仇，亦都辛巴嘅爭扎時刻。
