《反斗奇兵４》結尾留低續集伏筆？
仲想唔想睇第五集？
網上圖片
《反斗奇兵4》而家喺香港上映緊，之前有唔少人擔心今集會狗尾續貂，但今集叫好叫座，之前嘅憂慮一掃而空。今集胡廸終於識得為自己做出最好嘅打算，為《反斗奇兵》系列完美收官。不過，其實今次又未必會係最後一集，因為片尾彩蛋似乎埋下延續故事嘅伏線。
網上圖片
喺第三集入面，牧羊女寶貝一直都唔見影，甚至都冇人問佢去左邊，今次《反斗奇兵4》終於交代返寶貝嘅去向，而且仲會講返胡廸同佢之間嘅感情。胡廸喺之前嘅三集一直都處於一個異常無私嘅狀態，為每件玩具同埋主人完全奉獻自己。今次胡廸終於肯正視自己，聆聽自己真正嘅心聲，終於為自己做返件事，就係追求自由同真愛，迎嚟真正嘅成長。
網上圖片
《反斗奇兵》咁多集以嚟都係以胡廸同巴斯光年嘅發展為主線，今次呢對拍擋分開代表住成個系列正式落幕。但有觀眾就覺得其實喺片尾彩蛋已經埋下第五集嘅伏線，可能第五集會換做翠絲、巴斯光年同小叉嘅冒臉故事。同埋以迪士尼慣常做法，因為好多經典動畫都會開拍外傳或者續集擺喺迪士尼頻道播，既然彼思係迪士尼旗下，咁《反斗奇兵》都應該唔例外會開拍外傳，當然係關於胡迪同埋寶貝嘅愛情故事。
網上圖片
喺最後一個彩蛋片段入面見到勁爆公爵最代左彼思招牌枱燈，佢喺個「Ｉ」字上面跳左五下，又同今集嘅玩具士兵HIGH FIVE，唔少觀眾都認為彼思同迪士尼將會捧佢上位，仲要今次勁爆公爵大受歡迎，彼思當然唔會放過發大財嘅機會。
網上圖片
早前外國網上討論區Reddit曾經有消息流出，指動畫公司嘅製作團隊都認為唔應該將胡廸當成係「走失玩具」，可能之後有機會同巴斯光年重聚。
