「最索人妻」Kay捧Sammi場合唱《默契》 大爆Sammi曾盛裝探望BB令佢超感動
同Sammi傾偈，無論邊度都感覺好真摯！
天后鄭秀文（Sammi）越唱越起勁，16號「＃FollowMi 世界巡迴演唱會 香港站」去到第五場演出，蔡一智與囡囡、Twins、周慧敏、倪震、薛家燕、鄧萃雯、余安安、張繼聰、余德丞和蔡思貝等到場支持；而「最索人妻」謝安琪則擔任表演嘉賓，兼大爆Sammi盛裝探BB，令她受寵若驚！
Twins
周慧敏、倪震
薛家燕
余德丞、胡鴻鈞、蔡思貝、賴慰玲
今次是Sammi第10次紅館個人演唱會，她特別加入藝術表演，讓觀眾感受不一樣的演唱會，就連表演嘉賓也令人意想不到。當Kay從升降台出場和她合唱《默契》時，Sammi以「最索人妻」介紹出場，觀眾驚喜嘩然。
鄭秀文
Kay攬實Sammi纖腰說：「好正呀，雖然成日睇你演唱會，但未試過咁近，可以攬住，好正呀！」Sammi表示大家都好奇她與Kay的關係，其實他們私下是好朋友。Kay對Sammi說：「你真係好好......」Sammi說：「有幾好？讚嘅說話唔怕講喎！」
謝安琪
Kay續說：「我份人好怕醜，唔係好主動嘅人，你第一次同我講祝福說話又為我禱告，嚇死我，我真係受寵若驚。同埋你好真心，台上台下私下傾偈都係咁真摯、咁用心......我想喊！」然後攬實Sammi，再說：「喺我生完BB嘅時候，有一日你突然話嚟探我......」Sammi說：「同埋馮太一齊，馮德倫太太......（雷太，雷頌德太太）馮德倫太太係舒淇，係喎，哈哈哈！」連Sammi自己都不禁大笑起來。
謝安琪、鄭秀文
謝安琪、鄭秀文
Kay續說：「我心諗點解你個人咁好？好到晏晝嚟我屋企，仲要著到鬼火咁靚喎！（係呀，我落街倒垃圾都係咁！）你嗰日著到成身紅卜卜......（一定搽紅唇膏，我平時喺屋企都搽紅唇膏。）你突然嚟我屋企又搽晒紅唇，好隆重，我受寵若驚，我全家人都好緊張，所以印象好深刻。」Sammi笑說：「你奶奶好熱情，我哋傾咗好耐，其實我想扯架啦，佢幾乎想請我食埋消夜！」
鄭秀文
蔡一智與囡囡
余安安
鄧萃雯
Sammi笑指想請年紀比她大的女歌手做嘉賓實在不容易，所以都請來年紀比她小，加上她很喜歡與新人合作，「喺新歌手身上我學到好多嘢，我都鍾意同新樂手、樂隊、Rapper合作，佢哋帶畀我新靈感。」之後，Sammi準備落台並請Kay唱《囍帖街》，但Kay想合唱，Sammi說：「唔得，唱埋我換唔切衫啦！」然後一邊落台一邊與Kay互講「I Love You」，好鬼冤氣！
