唐詩詠爆爸爸擔心佢感情事但唔敢當面講：唔係喺身邊出現就係男友！
詩詠心水好清呢~
唐詩詠以「仁濟關愛大使」身份出席於沙田區探訪獨居及隱蔽長者活動，大派愛心福袋。詩詠表示試過探訪長者及到訪外地的老人院獻唱粵曲，雖然她不太懂得唱粵曲，但知道長者喜歡聽，所以也會唱，更自嘲唱得難聽，「他們見到我好似見到孫女，會叫我食多啲嘢，又問我呢排點呀？」
唐詩詠以「仁濟關愛大使」身份出席於沙田區探訪獨居及隱蔽長者活動。
唐詩詠大派愛心福袋。
詩詠笑指一班長者沒有問及她感情事，但會給予意見，又建議要少拗撬同多多包容，反而擇偶條件最重要心地善良、孝順。問到家人可有給予擇條條件的意見？她謂家人不夠膽講，爸爸好少出聲，「哥哥同我講話爸爸好擔心我，但不敢跟我講，我都好少講，怕他擔心，自己都唔知點講。」當建議她有男友的話，帶同與家人見面，她則謂有意結婚才會帶同男友跟家人見面，不想家人開心完後，變得不開心。
詩詠話有意結婚先帶男友見家人，不想家人一場歡喜一場空。
對於被影到跟升學顧問中心創辦人兼執行董事陳思銘約會，有指兩人一起到超市又同居試婚，詩詠否認其事，「講咗好次！張相冬天影，唔想再講！係一個朋友，當日有聚會，希望大家畀啲時間同空間我哋。如果個個喺我身邊出現就係我男友，做我朋友會好大壓力。」
唐詩詠、陳思銘
談到報道指兩人買新居築愛巢，詩詠說：「喺我隔離就會話係我男友，被人影到在超市買餸就會話整燭光晚餐，但我都唔識煮嘢食。」對於陳思銘可有介意被指兩人拍拖？她直言未有談論此話題。問到可會相約馬國明？她說：「點解要約佢？啲人問我點解唔約馬明去街，佢哋唔好咁投入套劇啦。（馬國明有冇機會？）可能我唔啱佢呢。（兩人識太耐而無機會？）我無諗過。」
馬國明、唐詩詠
