夏蕙BB爆粗大呻「我好亂」求救 返港唔知著咩色衫：揀錯色就等於生死一線
夏蕙BB呻完表示：個人舒服晒~
「夏蕙BB」黃夏蕙雖然身在美國登台，但她一直都有關心時事，亦不時會公開發聲，敢怒敢言，所以她都有留元朗的暴力事件。
網上圖片
網上圖片
夏蕙BB 7月23日在社交網站指自己於下月3日傍晚6時返港，不過她對於衣服的顏色和個人安全就非常擔憂，請教網民穿衣要選擇甚麼顏色，「各位，我好亂！幫下我決定著乜鬼衫返香港。係咁架，我決定8月3日黃昏6點一個人返香港.....但係而家係香港地，著衫D顏色配搭都好大件事，揀錯色就等於生死一線，黃同藍就己經唔著得啦！依家黑同白又唔著得！」她續說若果說她怕死，可以讓老公潘Sir陪同她一起回港，不過她竟然語出驚人，「你地就知啦！佢舊陣時係做差佬，點信得過呀.....所以我有個提議，黑底白花既衫，應該安全啦！係唔係？」
夏蕙BB續說希望社會盡快變回和平的地方，「其實您地應該知道我講乜！更加知道良知同人性慨分別！依家唔係60年代呀，若要人不知，唔好太白痴，好唔好？快D將香港變番和平福地，等我返得安心D。仲有，Lee個期間唔咳唔好再係任何群組，上崗上線咁轉發任何一方既短片同聲音呀！我係老人家，只係想世界和平，開開心心！無興趣火上加油！咪X再搞X我部電話呀！哈哈！講完舒服哂，8月3日香港再見大家！」
網上圖片
