【暴力美學】塔倫天奴：可能拍《標殺令3》 頭兩集只係計一部電影
原來續集唔計做一部電影。
網上圖片
最近昆頓塔倫天奴嘅新作《從前，有個荷里活》就上畫，但佢日前就宣布會研究拍攝《標殺令3》。
網上圖片
喺2003年同2004年上畫嘅《標殺令》同《標殺令2》，電影揉合港式功夫、日本武士同意大利式西部片嘅風格，以血腥暴力呈現，被譽為「暴力美學」嘅經典。當年兩部電影加埋，全球票房高達3億3,300萬美元。
網上圖片
塔倫天奴一直聲稱拍完第十部電影就會退休，所以理論上《從前，有個荷里活》會係佢最後一部作品。但係呢早前佢接受外國傳媒《CinemaBlend》訪問就話《星空奇遇記》（Star Trek）先係佢最後一部電影。但係佢近排又話要開拍《標殺令3》。
網上圖片
塔倫天奴就喺節目《Happy Sad Confused》宣傳《從前，有個荷里活》，就話佢最近同《標殺令》系列嘅女主角奧瑪花曼（Uma Thurman）傾過拍《標殺令3》。佢就話同奧瑪傾過，喺佢嘅作品入面，就只有《標殺令》先可以拍到續集。
網上圖片
雖然塔倫天奴講過一生只會拍十部電影，但佢最近又反口話《星空奇遇記》先係最後一部作品。但係佢又強調，所謂十部作品其實係有漏洞，因為當時佢冇將《標殺令2》計埋喺十部電影之內，原因係《標殺令》同《標殺令2》其實係計一部電影。睇嚟《標殺令3》都應該唔會計入十部電影裡面。
