【從前有個荷里活】瑪歌羅比樣靚身材正 演技更出色
《從前，有個荷里活》最差嘅地方就係瑪歌羅比太少戲份。
網上圖片
最近《從前，有個荷里活》正式上畫，北美票房大賣四千萬美金（約三億三千萬港紙）為導演塔倫天奴生涯最高票房作品。兩大男里安納度狄卡比奧同畢彼特故然備受矚目，但係飾演已故女星莎朗蒂嘅瑪歌羅比一樣咁搶眼。
網上圖片
相信大家都記得瑪歌羅比嘅代表作係《自殺特攻：超能暴隊》嘅「小丑女」，而佢嘅成名作就係由馬田史高西斯執導嘅《華爾街狼人》，佢拍呢部嘅時時候主動要求正面全裸，一脫成名。瑪歌羅比喺咁多個演品作品都證明佢唔單止得靚樣同身材，而且演技更為出色。
網上圖片
瑪歌羅比現年29歲，喺澳洲昆士蘭出世，讀緊中學嘅時候已經決心做演員，喺2007年拍攝澳洲電影《ICU》同及《Vigilante》，喺澳洲發展同讀完大學之後，喺2013年去左荷里活發展拍《回到最愛的一天》，之後就拍左《華爾街狼人》。
網上圖片
喺《華爾街狼人》入面瑪歌羅比飾演安納度狄卡比奧嘅老婆，相當搶戲。瑪歌羅比喺試鏡嗰陣冇跟住劇本做而贏得角色，導演馬田史高西斯透露，劇本原本安排瑪歌羅比同瑪歌羅比對鬧，最後男方逼女方鍚佢一啖。但係瑪歌冇跟住做，反而大大力摑左對方一巴，仲大叫「死X開啦你！」，最後成功贏得角色。
網上圖片
瑪歌雖然外型出眾，但佢冇甘於成為花樽演員，佢近年積極開拓戲路。佢憑《自殺特攻：超能暴隊》嘅小丑女而成功入屋、《蘇格蘭女王：爭名奪后》嘅英國女王伊莉沙伯一世而備受讚賞、《冰之驕女》飾演著名花式滑冰選手Tonya Harding為佢贏得第一個奧斯卡影后提名。
網上圖片
除左幕前演出之外，瑪歌都有發展幕後工作，喺二零一四年佢同任職副導演嘅老公同埋其他朋友成立製作公司「LuckyChap Entertainment」，例如《冰之驕女》就係瑪歌監製嘅作品。而出年瑪歌仲會為小丑女外傳電影《Birds of Prey》主演兼出任監製。
網上圖片
