鄒凱光賣T恤被指發「災難財」 其實早有前科《金雞SSS》抽水？
有冇人想買返件T撐下灘叔？
網上圖片
鄒凱光設計，用嚟「回應社會現況」嘅VolunTEE系列，只須$299港幣有售，但係就畀網友批評係食「人血饅頭」。而且鄒凱光嘅留言都故作幽默，令唔少人覺得佢態度奇差，真心要利用前線示威者去賺錢。但其實鄒凱光已經唔係第一次抽政治議題水去賺錢，喺幾年前嘅賀歲片《金雞SSS》已經咁做過。
網上圖片
（註：「人血饅頭」出自魯迅嘅短篇小說「藥」，講述一班畀極權政府處死嘅革命義士，一班無知嘅平民用錢買走佢地嘅鮮血，再整做人血饅頭服食，因為佢地覺得人血可以醫癆病。）
網上圖片
其實鄒凱光一向都鍾意抽水發大財，喺2014嘅《金雞sss》可見一斑。《金雞sss》係當年嘅賀歲片，鄒凱光導演、吳君如監製。呢部戲仲揾左一大班明星客串，包括：古天樂、張家輝、陳奕迅、黃秋生、黃子華、梁家輝等。田為有咁大班明星，而且仲有前兩集《金雞》系列嘅加持，所以當時就大收4千萬票房。但其中兩段情節就大受爭議。
網上圖片
首先係電影講張家輝係過黑社會大佬，放監之後一直都適應而家嘅香港，得返以前嘅馬仔陳奕迅仲理佢。以前食大茶飯嘅張家輝，而家只可以做排隊黨、走奶粉、收錢示威。不過，鄒凱光喺電影入面設計埋連反政府嗰邊都有畀錢請人示威，而且好多觀眾都覺得呢段情節美化「愛」字頭收維穩費撐政府嘅行徑。
網上圖片
《金雞sss》喺尾聲嘅彩蛋，講述吳君如喺尖沙咀重操故業，喺第一集出過場嘅熟客梁家輝專誠去撐場。原來梁家輝冇再做教授，轉行做立法會議員，唔係為左服務社會，係因為計落條數最符合經濟效益。梁家輝就話：︰「而家8萬蚊一個月，屎忽未坐定就掟蕉，5分鐘就叫我收工，絕對符合經濟效益。」
星島日報圖片
鄒凱光明顯諷刺梁國雄議員成日喺議會掟嘢畀人趕離場，話佢個個白?人工。當年好多觀睇完呢套戲之後相當不滿，仲有人發起罷睇。當年就有唔少記者因應呢段劇情去訪問長毛，佢講明唔識鄒凱光，亦唔會入場睇呢部戲。但長毛就講返喺議員嘅任期入面，每個月都拎返其中5萬蚊嘅人工作為社運同抗爭之用，但佢都唔會介意其他人嘅目光。
