五部2019夏季必睇日劇 深田恭子FIT爆扮演性感神偷
除左韓劇美劇，日劇向來都係唔錯嘅選擇。
1.《凪的新生活》(凪のお暇)
網上圖片
《凪的新生活》改編自名漫畫，講述28歲嘅主角大島凪(黒木華 飾)喺東京一間電器公司打工，每日都要睇人面色做人，得閒喺社交平台畀下LIKE，佢唔求發達但求無驚無險度過每日嘅生活。但係自從大島凪喺意外暈左醒返後，佢決定要開展新生活。於是凪決定辭職，同控制狂賤男慎二(高橋一生 飾)分手。仲搬埋屋到郊區，同新鄰居(中村倫也 飾)，兩人互生情愫。
2.《魯邦的女兒》
網上圖片
《魯邦的女兒》係一部輕鬆喜劇，講述小偷家族個女三雲華(深田恭子 飾)同警察家族個仔櫻庭和馬(瀨戶康史 飾)之間嘅禁忌愛情。深田恭子嘅造型係劇集重點之一，美貌、智慧與性感集於一身嘅女賊永遠最吸引人。
3.《蟬男》(蟬男)
網上圖片
《蟬男》講述一個三十歲嘅大川由香(木雨晴夏 飾)同靚仔「蟬王子」(山田涼介 飾)同居七日嘅愛情故事。因為大川由香救左等待孵化嘅蟬男，佢為左報恩，決定為由香排解寂寞，兩人就展開左七日愛情生活。(註: 蟬得七日壽命。)
4.《SCAM》
網上圖片
《SCAM》改編自報告文學作家鈴木大介嘅作品《老人斯詐》，劇集講述時下日本熱門社會議題，例如金融詐騙同埋世代之爭。《SCAM》嘅背景設定喺2008年金融海嘯之，男主角草野誠實(杉野遙亮 飾)因為呢場金融危機而失業。屋漏偏逢連夜雨，佢老竇喺呢個時候仲有重病，於時草野決定踏上老千之路。
5.《所以我就推你了》(だから私は推しました)
網上圖片
《所以我就推你》講述年近三十嘅OL遠藤愛(櫻井由紀 飾)，某日睇到一個地下偶像栗本ハナ(白石聖 飾)嘅生硬演出。遠藤愛因為栗本ハナ嘅努力樣打動到，所以將佢當成自己分身嚟支持。不過喺第一集就展示左遠藤愛有犯罪傾向，似乎唔係一般勵志劇集。
