【那個泳池】五大日本「小電影」取景片場
日本打卡新景點推介。（點解全部都好……）
網上圖片
早前有香港人打算集資推出著名小電影嘅「泳池」場景，不過陪伴大家成長嘅日小電影又點止一個「泳池」景？今日同大家分享下日本小電影常用嘅場景，以後去日本旅行嗰陣記得朝聖下！
1.「嗰個泳池」
網上圖片
一眾日本小電影嘅粉絲當然會認得呢個泳池啦！「嗰個泳池」（あのプール）原名叫「例之泳池」（例のプール），而「嗰個泳池」就係日本攝影界嘅暱稱。「泳池」位於新宿區某幢商業大廈9樓嘅片場「Hanazono Room」，由日本片場管理公司「P studio」擁有。因為「泳池」係暖水池兼室內池，所以咩天氣都唔影響拍攝，而且全落地式玻璃頂設計，有利採光。而「泳池」全長6.6尺，闊3.2尺，夠晒大去畀演員「演出」，六個鐘租金120,000日圓（約8,400港元）(註: 如果喺香港租用康文署轄下嘅泳池拍攝，頭四個鐘要7,000蚊港紙，之後每個鐘要1,770蚊港紙，拍十二個鐘的話就要$20,600港紙)。
網上圖片
Hanazono Room所在大樓
Hanazono Room所在大樓
因為租金咁平嘅緣故，所以深受小電影製作公司歡迎。不過「泳池」一開始就唔係畀小電影專用，例如特攝片《幪面超人》系列同埋日劇《世界奇妙物語》都曾經喺度取景，到左2004年先至畀小電影拍攝。而「Hanazono Room」位處於9樓同10樓，除左有「泳池」之外，仲有多間睡房、客廳、賭場等主題嘅片廠。
2.豐玉南Studio
網上圖片
位於東京練馬區豐玉南嘅豐玉南Studio係小電影界嘅人氣片場，係日本片場管理公司「木下Studio」嘅旗下片場之一，最大特點係地方夠大，片場喺兩層獨立屋入面，一樓係人所共知嘅「牢屋」，即係監倉，仲有風呂浴室、廚房同睡房。二樓就係大型男廁(拍攝特別系列小電影)同埋多個唔同主題嘅睡房。Studio仲可以因應劇組嘅要求，增加唔同嘅陳設。而且片場入面有大量窗口，採光效果極佳。
網上圖片
對於小電影嘅劇組嚟講，最大優點係呢個片場係獨立屋，拍到幾夜幾嘈都唔怕畀人投訴。豐玉南Studio除左畀人拍小電影之外，另外都有唔少水著女優嚟呢度影寫真。而場租方面，最低消費為12個鐘105,000日圓（約7,350港元），都係平過喺香港租片場。
3.便利店Plane Mart
網上圖片
其中一個小電影嘅著名場就係便利店，呢間鋪頭個名叫「Plane Mart」，但呢間唔係真嘅便利店，佢係屬於日本片場「Planear」嘅片場，喺東京都板橋區「環七Multi Studio」（環七マルチスタジオ）一樓，去旅行嗰陣見到千其唔好亂咁幫襯，畀人捉左去做演員就麻煩。Plane Mart嘅場景做得相當逼真，有貨架同冷凍櫃，而貨架都FILL晒食物同飲品，同真嘅7仔一模一樣。
網上圖片
不過如果睇小電影有仔細留意嘅話，會發現鋪頭入面嘅所有嘢飲都係一樣顏色。而鋪頭嘅櫃員機都相當真實，成個操作介面都係同真嘅ATM機一樣，差在冇出嚟。而且片場仲會提供埋店員制服，有橙色同藍色。成幢「環七Multi Studio」連埋地牢一共有五層，仲有辦公室、酒吧、睡房及天台等場地。按片場規定，劇組必須連埋地牢一齊租埋，場租12個150,000日圓（約10,500港元）。雖然價錢心較貴，但都係得佢一間有便利店場景。
4.Sister上鷺宮
網上圖片
如果有睇過「住家菜」系列小電影嘅話，都應該會影得呢間日式獨立屋。呢間係真真正正嘅獨立屋，唔係搭出嚟得個殼嗰啲，呢個住家片場叫「Sister上鷺宮」，喺東京中野區上鷺宮，由日本片場公司「Studio Jill」嘅其中一間獨立屋片場。
網上圖片
喺十幾年前就成日有小電影公司去呢度取景，雖然多次大裝修，但始終都保留和式風格。Sister上鷺宮總共有兩層，一樓有廳、開放式廚房、浴室同洗衫房。二樓就有客廳同兩間和室，有睡房、廁所同浴室。
網上圖片
另仲有一個和式風格嘅花園，夠晒闊落方便拍攝。但係，因為片場喺住宅區，而且真係一間住得人嘅獨立屋，所租金要每個鐘23,000日圓（約1,610港元），拍夠12個鐘的話就要差唔多兩萬蚊港紙，而且水電費另計。(註: 都係平過喺香港租場)
5.片場以外嘅選擇
網上圖片
除左正式片場之外仲有咩選擇呢？其實有啲小電影公司就會租普通民居拍攝，尤其要拍關於居酒屋、快餐店、飛髮鋪嘅題材。為左追求真實，佢地都租返呢啲場地。不過租用呢種真實鋪頭嘅場租係相當之貴，如果拍攝時間控制得唔好就會out budget。而且，租畀小電影拍攝嘅鋪頭都會影響到佢地嘅形象，可能會令到佢地生意唔好。例如喺日本有間居酒屋成日租畀人拍小電影，當然畀人起晒低，觀眾仲要勁插佢間鋪頭勁污糟。不過咁，如果好生意又洗乜租畀人拍小電影。
