重拍《法證IV》一個月火速搞掂 湯洛雯敬業獲拍檔大讚封號「一Take湯」
拍檔都大讚靚湯愈演愈好！
湯洛雯（靚湯）臨危受命重拍《法證先鋒IV》，靚湯差不多連開20多日，雖然起初都因緊張過度不時NG，謙虛認真的「靚湯」其後愈演愈好大獲好評，就連對手黃浩然亦指其狀態大勇，更封她綽號為「一Take湯」！
湯洛雯
因「安心事件」令黃心穎被即時叮走，連帶有她戲分的劇集《法證先鋒IV》亦要重拍，最終由上位花旦靚湯臨危受命頂上，靚湯早前在社交網宣布在一個月內已火速完成戲分，更留言指：「雖然過程其實真的是蠻辛苦，但有人跟我說成功須苦幹。」雖然早前有報道指靚湯壓力大而頻頻NG，還自嘲為「NG王」，不過拍攝中途她已成功洗脫污名，還被對手黃浩然大讚所有鏡頭已經是一Take過，封她綽號為「一Take湯」！
湯洛雯0被對手黃浩然大讚，更封她為「一Take湯」。
事實證明靚湯這次下了不少苦功，好像之前她跟陸詩韻拍攝一場外景戲，劇情講述飾演名媛的陸詩韻以調虎離山計避開記者追訪，因此飾演記者的靚湯需要追車，只見在鏡頭前跑來跑去的她亦毫無怨言。她說：「感受到做記者都真係幾攰，因為好多時都是走在最前線，我覺得係有少少危險。」拍攝初期靚湯的身形一度成為熱話，更有報道指她患上「不瘦降」。她笑說：「我睇到『不瘦降』覺得好搞笑，咁樣都食到字，犀利！好多外景都要跑，呢段時間當減肥囉。」
湯洛雯在劇中角色是記者，大嘆「做記者都真係幾攰」。
演技大躍進而獲好評的靚湯感激拍檔黃浩然及譚俊彥，教曉她用方法記住冗長對白，所以減少一點壓力。由於補拍戲分都聚焦在她身上，問可有足夠時間休息？她說：「其實都唔會唔夠瞓，因為每一日開一組，大概12至16個鐘，仲有8個鐘私人時間。通常我用3至4個鐘睇劇本，咁我就有4個鐘瞓。」
湯洛雯
而當日拍檔陸詩韻也大讚靚湯表現相當不錯，很快進入狀態。問到是次重拍可會另有酬勞？陸詩韻說：「我都唔知，自己亦無理到。收到通知就盡量配合，最緊要套劇出到街，唔好白費台前幕後嘅努力。」問到再次拍劇會否戲癮大作？她笑說：「都會啊！如果有機會，希望可以做奸角，愈奸愈好！」
陸詩韻、湯洛雯
