李蘊孖老公夾攻啜爆囝囝慶祝1歲生日：唔捨得你長大
父母們都不捨孩長大～
28歲的李蘊（Renee）於2016年與內地房地產商人羅章冠結婚後，已淡出娛樂圈，育有一子一女的她不時在社交網頁分享生活點滴，8月8日她分享與老公及囡囡幫囝囝慶祝一歲生日，可見Renee和老公夾攻「啜爆」寶貝仔，場面溫馨又搞笑！
Renee亦撰長文，感觸說：「8/8今日我個寶貝仔小新一歲啦！一年前今日你好乖，自己揀咗個好日子好時辰面世！媽媽只係劇痛咗三個鐘就生咗你出黎！（生家姐痛12個鐘）因為你係蠶豆仔加上全母乳，所以黃疸時間比較長！中間又見醫生又抽血，媽媽見到你咁細隻手仔比姑娘拮咁多次都好心痛！好彩到兩個月完全退黃！」
網上圖片
Renee又說，「雖然係第二胎，好多嘢之前都同家姐經歷過，但每個月見到你學識一啲新嘢我都仲係好似第一次做媽媽咁興奮！雖然你一歲都仲係周圍爬未識行（家姐一歲就自己行）但係你已經好叻仔，見你每日都有進步！牙牙學語！我哋全家人都會陪你慢慢成長！唔使急㗎！」
網上圖片
Renee說：「我成日都話有家姐的弟弟像個寶！晞晞對細佬真係十分愛護有加同禮讓！作為媽媽見到咁樣，真係覺得前世可能做咗好多好事，今世生到一對咁乖咁可愛嘅寶貝，我好感恩！由於你係男仔，痴住媽媽嘅時間只係頭幾年，比起女仔，男仔會比較快獨立同埋好快就會有自己圈子自己朋友，所以我好珍惜你而家痴我嗲我嘅每一刻！特別係餵奶嘅時候，相信係呢一世我同你關係最親密最甜蜜嘅時候！仔～我已經唔捨得你戒奶唔捨得你長大！不過人總要向前看！」
網上圖片
最後，Renee祝囝囝一歲生日快樂，「媽媽祝你生日快樂身體健康！開心成長！爸爸媽媽會盡能力比你同家姐最好嘅成長環境同平等嘅愛！你乖乖哋同家姐繼續融洽相處就得啦！I LOVE YOU SO MUCH我的前世情人！」
網上圖片
