李亞男日日幫囡囡Cosplay 已準備再添丁？
亞男指囡囡性格有cool，所以老公湊女有挫敗感！
李亞男去年12月為老公王祖藍誕下得意囡囡天韻（Gabrielle），慶幸 Gabrielle遺傳了她的身高和靚樣。七個月大、20幾磅的Gabrielle個樣勁cute，面仔脹卜卜被封為「倉鼠妹」，令亞男當正她是玩具日日玩Cosplay，更直言：「阿囡都好慘，畀我哋玩謝咗」，更直言已準備好為祖藍再添丁。
亞男生女後已極速收身，「如果依家唔keep住，到時生多個仲難keep。」
亞男說Gabrielle出世後，令一家人好開心，多了很多笑聲，「我依家成日幫佢換衫，啲朋友又好好送啲衫畀佢，好似扮士多啤梨咁，我日日幫佢影相，佢成為咗我嘅玩具，趁佢依家乜都唔識就盡情玩佢囉！佢日日塊面好多口水，俾我哋狂錫，半夜起身飲夜奶，都要同我哋玩一陣，個女都好慘，畀我哋玩謝咗！佢個樣好cute，好似倉鼠個嘴含住好多瓜子咁，塊面有好多骨膠原，我哋叫佢『倉鼠妹』，係姑姐（祖藍妹妹）幫佢改。」
亞男每日都幫Gabrielle換裝，呢兩款一樣咁cute。
亞男每日都幫Gabrielle換裝，呢兩款一樣咁cute。
亞男當Gabrielle玩具玩，其中一個傑作就是幫佢扮士多啤梨。
雖然Gabrielle還小未識反抗，可以給亞男任玩，但cool cool地的她就不容易笑，搞到亞男和祖藍要出盡法寶扮嘢，「佢喺我個肚度老公拍緊音樂劇（《你咪理，我愛你！》），她一聽歌就踢我，她個天韻都是咁嚟，依家都成日給她聽好音樂，她扭緊計有音樂都會安靜點。她玩玩具又不玩得耐，鍾意人同她講嘢，要有互動嗰啲。（鍾意睇Live騷？）哈哈！係呀！給她玩一日好倦，我同她一齊睇書，教佢讀點生字，還要扮埋嗰啲動物，她先會有啲特別反應。她又開始模仿我哋表情，好似嘟嘴咁，她的神態似我老公，但好彩她個樣同身高似我，我贏咗，神態就由她啦！她性格都似我同老公細個，比較文靜，她是有啲cool，我哋要出好多力令到她笑一下，搞到老公個存在感差咗，要睇她本小姐心情先會笑，我同老公會成日扮貓扮狗叫，好低能嘅嘢出晒嚟去氹她開心。」
祖藍和亞男輪住O氹囡囡笑，有片為證好花精力㗎！
大熱天時，祖藍陪囡囡游吓水當然唔少得啦！
亞男坦承有了Gabrielle，令祖藍更黐家，「有啲時間爸爸喺屋企多啲，或者半夜同佢玩多咗，佢又會同爸爸熟啲，反應多啲，所以祖藍唔敢飛得耐，生多兩個佢可能唔飛添！除咗整啲好嘢食留住佢個胃，要生多幾個可以留住佢個人呀！哈哈！佢以前收工都會即趕飛機返嚟，有咗阿囡之後佢就更加趕返嚟，中途仲要我畀阿囡啲片同相佢止渴。其實我哋拍拖時，仲係曬相年代，佢會攞住我張相睇完擺喺牀邊先瞓，好似幾好笑又好浪漫，不過暫時我同佢電話啲相都係阿囡行先。」
祖藍見到囡囡就黐到實唔肯放手。
講到生下一胎計劃，亞男踢爆祖藍想生雙數，「我老公話一係生兩個、四個、六個，一定要雙數，因為佢話唔想中間嗰個被忽略。我就覺得兩個先，唔係生出嚟就搞掂，係要培養佢做人同讀書，同埋香港讀書好緊張，生咁多個我要做好多功課，我又唔想囉！如果畀啲中文嚟，sorry阿囡媽咪都唔識，要等爸爸收工先做到，其實我仲要湊老公呢個大仔，生多個差唔多啦！（仔定女）生多個仔係好完美，但女仔我都好鍾意，因為斯文啲，可以日日都扮靚。」
亞男認為依家一家三口未夠喉，打算生多一個。
至於對Gabrielle期望，亞男認為品格同人格重要過一切，「有好品格就已經係成功嘅人，當然讀書都要盡力，好彩我好睇得開，都唔擔心會變怪獸家長，同埋我細個讀書都勤力，但唔係考第一只係攞Ｂ嗰種，所以我唔會逼佢。（如果佢想入娛樂圈呢？）我都會全力支持，但要睇佢動機，如果只係想人哋留意佢，就唔係咁好，要真心對表演有興奮，唔希望佢係三分鐘熱度。」
李亞男
