【電流戰爭】班尼狄甘巴貝治演繹最真實嘅愛迪生
愛迪生話：天才等如百分之一嘅靈感，再加百分九十九嘅汗水。正如誠哥都講過：君子愛財，取之有道。
網上圖片
《電流戰爭》最近上畫，由班尼狄甘巴貝治 (Benedict Cumberbatch）飾演愛迪生，今次電影將會展示最真實嘅「天才」發明家嘅一面畀大家睇。
網上圖片
班尼狄憑藉BBC神劇《福爾摩斯》而一舉成名，因為咁所以搞到佢成為「古怪天才」嘅御用演員，例如：《奇異博士》、《解碼遊戲》等等。
網上圖片
因為自細嘅洗腦教育，好多人都會以為愛迪生係個天才兼努力嘅發明家，佢嘅名言：「天才等於百分之一嘅靈感，同百分之九十九嘅汗水。」呢句說話都令到好多小朋友以為只要勤力發奮就真係可以成功。咁實情就係愛迪生係一個天才企業家，咁咩係企業家？就利用旗下員工百分之百嘅汗水，生產無數偉大發明，然後再落自己專利。
網上圖片
班尼狄早前表示自己原本對愛迪生只係有啲基本認識，都係好努力、發明電燈膽之類。但當要拍《電流戰爭》嘅時候，佢就好快就對愛迪生嘅印象改變。班尼狄：「我一直都畀人灌輸，以為佢係美國中世紀嘅發明家，但其實佢係個好複雜嘅人。喺現實嘅情況係佢喺某方面唔算係發明家，但喺另一方面又唔止係個發明家咁簡單。」
網上圖片
除此之外，班尼狄唔單止要演到愛迪生嘅聰明、刻薄，仲要發掘出愛迪生「人性」嘅一面。愛迪生一生人總共有2000幾項發明，同1500嘅發明專利，但其實大部分發明都係佢旗下嘅團隊成員嘅發明，愛迪生只係畀錢同實驗室，然後再獨攬成果，名成利就。由此可見愛迪生為左發明付出左幾多「汗水」同「靈感」。
網上圖片
