【7.14的約會】最索女星池田依來沙主演《貞子：起源》
今次《貞子：起源》有性寫真女星池田依來沙主演，唔可能會令大家冇咁驚。
網上圖片
日本嘅經典鬼片《午夜凶鈴》，女鬼貞子喺電視機爬出嚟成為經典一幕。即使過左咁多年，貞子仍然冤魂不息，喺今年五月，日本上畫同系列續集《貞子：起源》。今次嘅續作保留返貞子喺井爬出嚟嘅經典情節，不過當年嗰餅無限重播嘅貞子錄影帶同大牛龜電視就已經唔喺度，與時並進嘛。
網上圖片
今次《貞子：起源》由新晉演員池田依來沙主演，依來沙就表示細細個因為畀《午夜凶鈴》嚇親，所以去酒店住嘅時候都會用布遮住電視。依來沙仲話一直都唔敢睇劇本，最後有左三日先睇得晒劇本。
網上圖片
《貞子：起源》故事講述心理醫生茉優（池田依來沙 飾），為一位受警察保護嘅少女睇症，少女完全失憶，連自己個名都唔記得。與此同時，茉優身邊都開始發生唔少怪事。另一方面，喺Online Marketing公司做嘢嘅祐介（塚本高史 飾）介紹之下，茉優個細佬和真（清水尋也 飾）做左YouTuber，和真為左自己可以成名，決定偷偷地去死左五個人嘅火災地點拍靈異片，最後當然發生相當可怕嘅事。
網上圖片
目前香港仲未有《貞子：起源》嘅上畫消息，不過今次要同大家介紹返女主角池田依來沙，佢曾經演出過少少咸多多趣嘅爆笑喜劇《超能勁處男》，其中一幕仲講到男主角幻想佢嘅情節，相當刺激。
網上圖片
而且池田依來沙喺拍攝寫真出身，所以佢出過唔少寫真作品。
網上圖片
網上圖片
網上圖片
