《通靈少女》第二季 郭書瑤瞓身通靈
大家仲記唔記得《愛的抱抱》？
網上圖片
近年台劇氣勢強勁，多次登陸串流平台都取得理想成績，例如年頭嘅《我們與惡的距離》喺HBO Asia有唔錯成績。另外早前嘅HBO Asia第一部原創華語劇集，贏左金鐘獎最佳迷你劇集嘅《通靈少女》，日前已經發布左前導預告，將會喺十月首播。
網上圖片
《通靈少女》故事講述有通靈體質嘅中學生謝雅真（郭書瑤 飾），日頭返學，夜晚喺宮廟做仙姑，負責信眾大小事務。雖然仲係中學生，但係小真已經睇盡人生百態，有時佢都唔知道鬼可怕定係人更可怕。但係，雅真心入面一直只係期待普通平凡少女嘅生活。
網上圖片
《通靈少女》第二季嘅故事緊貼住第一季之後，飽歷風霜嘅謝雅真只係想走個普通中學生，但估唔到好朋友全家移民離開台灣，喺學校嘅話劇社又要忙住收新成員，而且又要喺宮廟返「兼職」。又要返學又要「返工」嘅小真，喺今季面對嘅壓力比起上季更加麻煩。
網上圖片
《通靈少女》主演陣容包括郭書瑤、温貞菱、范少勳。仲有上季有份演出嘅金鐘獎最佳男配角陳慕義、李英宏、吳宏修、林鶴軒、洪群鈞、向承寓。新加入嘅演員就有尹昭德同李雪。
