劉德華出場為祖兒個唱搞氣氛 自爆好色：搞咗個小龍女出嚟
今次Joey嘉賓陣容好強！
劉德華、容祖兒
容祖兒紅館個唱舉行第12場，祖兒未宣佈是晚特別嘉賓前，先抖啖大氣說：「今晚呢，呢個一啲都唔簡單，我稱唔上同佢好好朋友，因為佢喺我心目中係遙不可及，早已超越了偶像，是我學習嘅傍樣。佢做事認真，待人接物，及對身邊所有人無微不致，總之佢叫我行東我不會行南，佢叫我坐我不會企！今晚好榮幸邀請到佢上嚟我呢個舞台，請大家以最熱烈掌聲，歡迎我今日嘅VIP！」
劉德華、容祖兒
容祖兒
劉德華、容祖兒
音樂響起，祖兒唱出劉德華的《謝謝你的愛》，觀眾為之瘋狂。華仔上台，祖兒馬上飛撲上前，攬到實一實不肯放，然後面紅紅叫道：「好近呀，救命呀！我想暈低」華仔笑住回應：「我好少抱啲咁後生嘅細路女。」祖兒問：「點解你咁靚仔？」華仔回話：「我天生。好多時都同人講，唱歌跳舞可以勤力去練，但係靚仔真係冇得練。」祖兒這時又來心心眼問：「我可不可以摸你一下？」然後伸手摸華仔塊面，引得觀眾都嘩嘩大叫。
劉德華、容祖兒
華仔同祖兒講：「我話你聽，我為乜接受嚟做嘉賓。」祖兒答：「因為你錫我。」華仔說：「唔係。」一大個檸檬令祖兒呆了，觀眾就大笑。華仔繼續說：「04年我哋一齊拎過一次大獎。我本來希望14又可以一齊拎，我13年已經開始準備，不過嗰年好忙，因為我好色！」祖兒一頭霧水，「咩好色？你點會，你咁勤力…哦…你講你好忙繁殖下一代呀？」
華仔說：「係呀，搞咗個小龍女出嚟。所以2024年啦！再一齊拎獎，你唔使等我，我趕緊上嚟㗎啦！另外，我個女話，你嚟睇我演唱會，由頭跳到落尾冇停，你其實唔止１開18場，可以開夠28、38場。」祖兒就話：「你個女好得意呀，搵次畀我去探下佢啦。」最後兩人合唱《一起走過的日子》作結。
劉德華、容祖兒
劉德華、容祖兒
劉德華、容祖兒
